Annotatsiya

15-mavzu: Maktabgacha ta`lim tashkilotlarida marketing.

Reja.

1. Maktabgacha ta’lim muassasalarida marketing xizmati faoliyatini tashkil etish

2. Xalq ta’limi tizimi va unda manitoring tashkil etish asoslari.

3. Xalq ta’lim tizimida manitoring tashkil qilish maqsad va vazifalari.

4. Xalq ta’limi tizimida manitoring tashkil qilish shakl, usul va bosqichlari.

5. Nazorat qilish Davlat nazorati, xalq ta’limi bо‘limlari tomonidan rahbarlikning eng muhim shakli ekanligi.

Tayanch tushunchaiar. Maktabgacha ta’lim, muassasalar, marketing xizmati, faoliyatini tashkil etish, Xalq ta’limi tizimi, manitoring tashkil etish, maqsa, vazifalari, usul va bosqichlari, Nazorat qilish, Davlat nazorati, rahbarlik, muhim shakli .
Xalq tahlimi bosqichlarida o‘ziga xos tarbiyaviy ishlarni tashkil qilish metodikasi. Ta’lim muassasasining bosh maqsadi uning yo‘nalishini, boshqalardan farqini belgilab beradi. Bosh maqsadning ushbu ta’lim muassasasining barcha imkoniyatlaridan maksimal ravishda foydalanishga imkon beradigan zarur harakatlarga o‘tishini ta’minlash juda muhim. Ular o‘z sohasining peshqadamlaridan bo‘lishni maqsad qilib qo‘yganliklarini, odatda, istar-istamas oshkora e’lon qiladilar. Ular, bu holda, mag‘lubiyatga uchrash ehtimolidan cho‘chiydilar. Siz asosiy maqsadni aniqlar ekansiz, uzoq muddatga mo‘ljallangan, aniq ifodalangan sifat strategiyasiga tayansangiz, bu hol, albatta, aks etishi lozim. Ta’lim muassasasining bosh vazifalarining asosiy qoidalarini belgilashda quyidagilarni e’tiborga olish zarur:

-yodda oson saqlanishi;

-oson ommalashishi;

-tashkilotning nima bilan shug‘ullanishi aniq belgilanishi

-sifatni oshirishga qo‘shilgan hissa darajasi;

-tashkilotning uzoq muddatli maqsadlari to‘g‘risida nizom bo‘lishi;

-iste’molchiga yo‘naltirilgan bo‘lishi;

-moslashuvchan bo‘lishi shart.

Ta’lim muassasasi qadriyatlarni o‘zi aniqlab olishi zarur, ammo ular quyida tavsiya qilinadiganlardan aksariyatini o‘z ichiga olishi mumkin:

• 
  ta’lim oluvchilar (o‘quvchi, talaba)ni birinchi o‘ringa qo‘yamiz;
  
• 
  kasbiy halollikni yuqori darajada tutgan holda ishlaymiz;
  
• 
  yagona jamoa bo‘lib ishlaymiz;
  
• 
  doimiy yaxshilanishga (taraqqiyotga) intilamiz;
  
• 
  barchaga teng imkoniyatlar yaratish ustida ishlaymiz;
  
• 
  ta’lim xizmatlarining eng yuqori sifatini ta’minlaymiz.
  

Nuqta inazar, vazifa va qadriyatlar aniqlangach, ularni erishish mumkin bo‘lgan maqsadlar bilan bog‘lash kerak. Ular o‘lchanadigan bo‘lishi juda muhim, ya’ni ularning yutuqlari natijasini muntazam ravishda baholab turish mumkin bo‘lishi lozim. Shunday qilib, maqsadlar haqiqiy va erisha oladigan bo‘lishi kerak.

Ehtimol tutilgan ijobiy va salbiy omillarni, istiqbol yo‘nalishlari va omadsizliklarni tahlil qilish strategic rejalashtirishning zaruriy bosqichi hisoblanadi. U ta’lim muassasasining imkoniyatlarini aniqlashning samarali vositasi bo‘lib xizmat qiladi.

Unda ikkita tarkibiy qismni, ya’ni, ob’ekti ta’lim muassasasining o‘z faoliyati bo‘lgan ichki tahlilni va uning faoliyatidagi tashqi vaziyatlar tahlilini ajratib ko‘rsatish mumkin. Kuchli va zaif tomonlarning nisbatini, mohiyatan, ta’lim muassasasi samaradorligining ichki auditi deyish mumkin. Imkoniyatlar va ehtimol tutiladigan xavf-xatarlar jihati esa ta’lim muassasasining ish olib boradigan sharoitdagi tashqi vaziyatlarga tegishlidir.

Bu tahlilning maqsadi - afzallikni kuchaytirib, nuqsonlarni mumkin qadar kamaytirish, xavf-xatarni susaytirib, yangi imkoniyatlarni yaratishdan iborat. Agar tahlilni ham iste’molchilarning talablariga, ham ta’lim muassasasining talab bozorida raqobatlash ish imkoniyatlariga qaratsak, tahlilning samaradorligini oshirish mumkin bo‘ladi. Bular uzoq muddatli korporativ strategiyani yaratishda ikki asosiy soha hisoblanadi. Ta’lim muassasasining strategiyasi ta’lim muassasasining raqobatbardoshliligini oshirib, iste’molchilarni o‘ziga jalb etishini maksimal darajada kuchaytiradigan tarzda ishlab chiqilishi lozim.

Agar bu missiya va qadriyatlarni o‘rganish bilan qo‘shilsa, u holda ushbu muassasaning raqobatchilaridan farqini belgilab olish mumkin bo‘ladi. Muassasaning farqli xususiyati belgilab olingach, uning uchun sifat tavsifnomasini aniqlash ancha oson bo‘ladi.

Ehtimol tutilgan ijobiy va salbiy omillarni, istiqbol yo‘nalishlari va muvaffaqiyatsizliklarni tahlil qilish natijalari quyidagicha ko‘rsatilishi mumkin:

Ijobiy omillar:

• 
  o‘quvchilarning ko‘p miqdorda qabul qilinishi;
  
• 
  ijodiy boshqaruv ishi;
  
• 
  imtihonlarning ijobiy natijalari;
  
• 
  kuchli musiqa va san’at kafedralari;
  
• 
  ota-onalarning kuchli ko‘magi;
  
• 
  hokimiyat organlarining qo‘llab-quvvatlashi.
  

Salbiy omillar:

• 
  eski, xarob bino;
  
• 
  xodimlarning yoshi (o‘rta va katta yoshdagilarning ko‘pligi);
  
• 
  byudjetning ozligi;
  
• 
  uskuna va jihozlar kamligi.
  

Istiqbollari:

• 
  yaxshi yеrda joylashgan, o‘zi kabi yuqori obro‘-e’tiborga ega bo‘lgan qo‘shni ta’lim muassasasi bilan qo‘shilish;
  
• 
  predmet bo‘yicha olimpiadalarda va sportda obro‘-e’tibor qozonish;
  
• 
  qo‘shilish va yangi muassasa hosil bo‘lishi natijasida umumiy yuksalish;
  
• 
  taklif qilinadigan ta’lim xizmatlari sonini ko‘paytirish uchun xodimlarning kasbiy saviyasini oshirish imkoniyati;
  
• 
  birlashgan muassasa qo‘shimcha moliyaviy resurslarni jalb qilishi mumkin.
  

Muvaffaqiyatsizliklar:

• 
  o‘z qiyofasini, ustunliklarini va obro‘-e’tiborini yo‘qotish xavfi;
  
• 
  vaqtidan ilgari nafaqaga chiqib ketishi mumkin bo‘lgan tajribali o‘qituvchilarni yo‘qotish xavfi;
  
• 
  boshqa ta’lim muassasasining muhiti ustun bo‘lib qolishi;
  
• 
  ba’zi bir hokimiyat vakillarining qo‘llab-quvvatlashlaridan mahrum bo‘lish ehtimoli.
  

Muvaffaqiyatning tanqidiy omillari (MTO) - bu, agar ta’lim muassasasi iste’molchilar talablarini qondirishga va bosh vazifani hal qilishga yo‘naltirilgan bo‘lsa, u erishishi lozim bo‘lgan ko‘rsatkichlardir. Ular strategiyaning navbatdagi bosqichi bo‘lib, ta’lim muassasasining asosiy tavsifi yo‘nalishini belgilab beradi.

Ular faoliyat ko‘rsatkichlari (FK) bilan, juda bo‘lmasa ham, o‘xshash. Farqi shundaki, FK, odatda, MTOdan kelib chiqadi va TMning asosiy vazifasiga yoki iste’molchilar talabiga doim ham to‘g‘ridan-to‘g‘ri taalluqli bo‘lavermaydi.

MTO - TM o‘zi uchun belgilab oladigan muhim omillardir. Muvaffaqiyatning tanqidiy omillari ro‘yxati o‘lchovning tashqi ko‘rsatkichlarini, masalan, iste’molchining qoniqqanligi yoki mikrorayon uchun foydani ham, ichki, ya’ni kadrlarning zamon talablariga muvofiq kasbiy tayyorgarligi yoki jamoa bo‘lib muvaffaqiyatli ishlashni ham o‘zichigaoladi. Bu omillar sifatga umumiy tarzda qaratilgani holda korxona tomonidan erishiladigan aniq maqsadlarni o‘z ichiga olishi kerak.

Ichki MTO quyidagilarni o‘z ichiga olishi mumkin:

• 
  qabul tizimining barcha uchun ochiqligi;
  
• 
  o‘quvchilarning talablariga mos o‘qitish metodlari;
  
• 
  inoq jamoalar;
  
• 
  imtihon baholarining yuqoriligi;
  
• 
  o‘quvchilarning shaxsiy, madaniy va axloq bobida kamol topishi;
  
• 
  o‘quv texnologiyalarining takomillashtirilishi;
  
• 
  yangi tartib-qoidalarni joriy qilish tashabbusiga jamoa xodimlarining ko‘pchiligini jalb qilish;
  
• 
  ta’lim saviyasini oshirish va ta’lim muassasalariga kirgan o‘quvchilar soni.
  

Tashqi MTOga quyidagilar kirishi mumkin:

• 
  TMga qabulni takomillashtirish;
  
• 
  iste’molchi nuqtai nazaridan (so‘rovlar natijasiga ko‘ra) ishdan yuqori darajada qoniqish;
  
• 
  talabning oshishi;
  
• 
  kamchilik iste’molchilar yoki nomaqbul guruhlarga ko‘proq e’tibor berish va ularning manfaatlarini hisobga olish;
  
• 
  mikro hudud ehtiyojlariga e’tiborni kuchaytirish;
  
• 
  ishlab chiqarish va fan bilan yaqindan hamkorlik qilish.
  

Ta’lim sifatini boshqarish tizimining navbatdagi tarkibiy qismi rejani ishlab chiqishdan iborat.

Ba’zan muassasani rivojlantirishning umumiy rejasi deb ataluvchi strategic rejada, muassasa bosh maqsadga erishish uchun qo‘llamoqchi bo‘lgan o‘sha choralar batafsil aniqlashtiriladi. U ta’limning o‘rtacha muddatini belgilaydi, odatda bu uch yillik davrdir. Ushbu rejaning maqsadi - ta’lim muassasalariga yo‘nalish berish. Biroq bunday reja qat’iy vosita bo‘lishi mumkin emas, u, agar sharoit taqozo etsa, ichki yoki tashqi shart-sharoitlarga muvofiq o‘zgarishi mumkin va lozim.