Anorganik birikmalarning eng muhim sinflari

Kislotalar
Elektrolitik dissotsiatsiya nuqtai nazaridan dissotsialanganda vodorod ionlari va kislota qoldig‘ini hosil qiluvchi elektrolitlar kislotalar deyiladi.
Kislotalar nomenklaturasi
Agar element faqat bir xil kislota hosil qilsa, uning nomiga «at» qo‘shimchasi bilan tugallanadi:
H₂CO₃ – karbonat kislota H₂SiO₃ – silikat kislota H₂SO₄ – sulfat kislota
Agar element ikki xil kislota hosil qilsa, uning nomi ikki xil qo‘shimcha bilan tugallanadi: kichik valentli kislota hosil bo‘lganda «it», yuqori valentli kislota hosil bo‘lganda «at» qo‘shimcha qo‘shiladi.
Masalan: HNO₂ – nitrit kislota H₃AsO₃ –arsenit kislota
HNO₃ – nitrat kislota H₃AsO₄-arsenat kislota
Agar element ikkidan ortiq kislota hosil qilsa, ularning nomlari valentligining ortib borishi tartibida “gipo”, “it”, “at”, “per” qo‘shimchalarini qo‘shish bilan hosil qilinadi.
HClO – gipoxlorid kislota HClO₃ – xlorat kislota
HClO₂ – xlorit kislota HClO₄ – perxlorat kislota
Agar bitta angidridning o‘zi bir necha kislota hosil qilsa, kislota nomining oxiriga “meta” va “orto” qo‘shimchasi qo‘shiladi.
Masalan: HPO₃ – metafosfat kislota H₃PO₄ – ortofosfat kislota
Kislorodsiz kislotalarning nomi kislota hosil qilgan element nomiga “id” qo‘shimchasini qo‘shish bilan hosil qilinadi.
HBr- bromid kislota H₂S – sulfid kislota H₂Se – selenid kislota HCN – sianid kislota
Suvdagi eritmalarda bir negizli kislotalar bir bosqichda, ko‘p negizli kislotalar bir necha bosqichda ionlanadi;
a) HCl ↔ H+ Cl- b) H₃PO₄ ↔ H+ + H₂PO₄^- H₂PO₄^-↔ H⁺ + HPO₄^2- HPO₄^2- ↔ H⁺+ PO₄^3-
Kislotalarning turlari
a) Kislorodsiz kislotalar: HF, HCl, HBr, HJ, H₂Se.
b) Kislorodli kislotalar: HNO₂, HNO₃, H₂CO₃, H₂SO₃, H₂SO₄, H₃PO₄, HClO₃, HMnO₄
Kislotalar negizligiga qarab 3 guruhga bo‘linadi: