|
FUZIDIV KISLOTA.
Ta’sir spektri tor bo‘lgan antibiotik. Asosan gramm musbat bakteriyalarga ta’sir ko‘rsatadi. Mikroblarda oqsil sintezini susaytirib bakteriostatik ta’sir etadi.
MITdan yaxshi so‘riladi. Ko‘p miqdorda to‘qimalarda to‘planadi. Jigarda parchalanadi. Safro tarkibida ajraladi. Ko‘rsatmalar: pensillinga chidamli bo‘lgan stafilokkoklar bilan chaqirilgan infeksiyalarda, ayniqsa osteomielitlarda.
Noxush ta’siri: dispepsiya, eshak emi (terida toshmalar), sariqlik.
XAR XIL ANTIBIOTIKLAR.
Fuzafunjin – yallig‘lanishga qarshi ta’sirga ega bo‘lgan antibiotik. Kimyoviy tuzilishi polipeptidlarga xos. Asosan mahalliy (ingalyasiya uchun aerozol ko‘rinishda) qo‘llaniladi. Ko‘pgina koklar, anaeroblar, mikoplazmalar, qandida turkimidagi mog‘orlarga samarali ta’sir ko‘rsatadi. Burun, xalqum va nafas yo‘llarining infeksiyalarida qo‘llash uchun tavsiya etilgan.
Noxush ta’siri: kamdan kam xollarda maxalliy yallig‘lanish chaqiradi.10 kundan ortiq qo‘llanilsa disbakterioz chaqirish mumkin.
AZITROMITSIN – makrolidlar guruhidagi antibiotik-azamin. Betta-laktamaza ajratuvchi gramm musbat va gramm manfiy koklar, mikoplazmalar, legionellalar, bakterioidlarga yaxshi ta’sir etadi. Katta dozalarda bakteriotsid ta’sir etadi. Jinsiy yo‘llar bilan yuqadigan xastaliklarda samarador (gonokkoklar, trixomonadalar, xlamidiyalar, spiroxetalar). Enteral yo‘l bilan qo‘llanganda ham yuqori samara beradi. Ovqatlanishdan 1 soat oldin ichiladi. Ta’siri taxminan 24 soat davom etadi.
Noxush ta’siri:allergik reaaksiyalar, ko‘ngil aynash, qayt qilish, jigar va buyrak funksiyalarining kuchli buzilgan holatlarda qo‘llash mumkin emas.
Dostları ilə paylaş: |
