Floppi Disk Access Control (R/W) Floppi Disk Access Control (R/W) funksiyasi “BIOS Features SETUP” menyusida bo‘lishi va disketaga o‘qish/yozish imkoniyatini aniqlab berishi mumkin. «Real oply» kabi opsiyani qo‘shish axborotni ruxsatsiz undan nusxa ko‘chirishdan himoya qiladi. Ba’zi BIOS lar parametrlarining belgilari sifatida oddiy «Enobled» va «Disabled» ga ega bo‘ladilar. Bunday holda shu parametrning echimi axborotni disketaga yozishga imkon beradi, aks holda disketani faqat o‘qish mumkin bo‘ladi, xolos.
Xatolar haqida quydagi xabarlar paydo bo‘lishi mumkin:
Floppy CNTRLR ERROR OR NO CNTRLR PRESENT Egiluvchan disklar nazoratchi (kontrollyori)ni initsiallashtirish imkoni yo‘q. «BIOS Setur»da ko‘rsatilgan boyicha nazoratchini o‘rnatilishi va disk yurutuvchining parametrlarini tekshirish lozim.
FLOPPY DISK (s) fail Nazoratchini, floppy – disk yurutuvchini o‘zini topish yoki initsiallash mumkin emas.
Bunday holda bundan oldingi amallarning to‘g‘ri bajarilganini tekshirib ko‘rish lozim.
O‘rnatish to‘g‘ri amalga oshirilganida disk yurutuvchi o‘z vazifalarini aniq belgilab olishi kerak.
QATTIQ DISKNING IDE-DISK YURUTUVChINI O‘RNATISh
Qattiq diskni o‘rnatish Kompyuterga qattiq diskni o‘rnatish uchun quyidagi ishlarni bajarish kerak:
to‘plovchi (nakopitel)ni sozlash;
nazoratchi (kontrollyor)ni yoki interfeys uskunasini sozlash;
to‘plovchini kompyuterning korpusiga o‘rnatish;
tizimni to‘liq sozlash;
diskni mantiqan taqsimlash;
yuqori darajadagi formatlashni bajarish.
Qattiq diskni o‘rnatishga kirishishdan avval kompyuterning to‘plovchisining, nazoratchisining yoki BIOS tizimli asosiy adaptorining va boshqa uskunalarining hujjatlarini o‘rganib chiqish lozim. Kompyuterga nimadir xarid qilinganida, undan foydalanish bo‘yicha yo‘riqnoma, uskunaning tavsifnomasi bor-yo‘qligini tekshirib ko‘rish kerak. Odatda, ko‘pchilik ehtiyot qismlar va uskunalar uchun ularga ilova qilinadigan yo‘riqnoma va tavsifnomalarning o‘zi yetarli bo‘ladi. Lekin kompyuterga professional xizmat ko‘rsatish uchun kompyuterning hamma tarkibiy qismlariga tegishli hujjatlarga toliq ega bo‘lish kerak. Hujjatlar to‘liq bo‘lmagan hollarda ishlab chiqaruvchi firmaga bevosita murojaat qilib, unga mahsulotning to‘liq texnik tavsifnomasini buyurtma qilish zarur.
