Atta guruhda Q. Muhammadiygaing «Etik» she'rini o‘qishda. Dastur maqsadi

Kitob burchagi
Har bir guruh xonasida bolalarda kitobga qiziqish uyg‘otish va undan foydalanishning eng oddiy ko‘nikmalarini hosil qilish uchun kitob burchagi tashkil etiladi. Kitob burchagi qulay, yorug‘ yerga joylashgan va uning uchun durustgina mebel tanlab olingan bo‘lishi kerak.
Kitob burchagida bolalarniig o‘zlari mustaqil ko‘ra oladigan kitoblar bo‘ladi.
Kichik guruhlarning yil boshida kitob tokchasiga— vitrinaga bolalarga tanish bo‘lgan kitoblardan bir necha nusxasi qo‘yiladi. Boshqa asarlar bilan tanisha borgan sari kitob vitrinasi yangilanib turadi va tokchalardagi kitoblar ko‘paya boradi.
Maktabga tayyorlov guruhi uchun bolalar kitob shkafi qo‘yilgani ma'qul. Bu guruhda kitoblarni tmavzu asosida — Vatan, tabiat to‘g‘risidagi kitoblar, ertaklar, she'rlar, bolalar jurnallari va hokazo tarzida joylashtirish tavsiya etiladi. Kitoblar bir-biridan rasmli xatcho‘plar bilan ajratib qo‘yiladi.
Katta guruhlarda xonaga yozuvchining portreti qo‘yilishi mumkin, vaqt-vaqti bilan o‘qilgan asar mavzusi yuzasidan bolalarning muvaffaqqiyatli chizgan rasmlari ilib qo‘yiladi. Kichik guruhlarning xonalariga bolalarga tanish ertaklar, hikoyalardagi qahramonlar va voqyealar tasvirlangan yirik va chiroyli illyustratsiyalar ilib qo‘yiladi.
Hamma guruhlarning kitob burchaklarida (har qaysisida 8—10) rasmlar yoki fotosuratlar solingan bir necha papka (har bir guruhda 8—10 tadan) hamda bolalar chizgan rasmlar solingan bir-ikkita papka bo‘lishi kerak. Papkalarning ustiga tegishli illyustratsiyalar yoki manzaralar tasviri yopishtirib qo‘yilgan bo‘ladi. Bolalar rasmlarni ko‘zdan kechirib bo‘lganla-ridan keyin ularni kerakli papkalarga joylashtiradilar. Papkalarning nomlari: «Bizning O‘zbekiston», «Toshkent —O‘zbekistonning poytaxti», «Onalarimiz», tabiat, mehnat, transport nomlari yozilgan papkalar.
«Bizning bayramlarimiz» degan albomlar tuzish mumkin.
Kitob burchagida tarbiyachi bolalarning adabiyot haqidagi bilimlarini maxsus usullar bilan mustahkamlaydi, bolalarni kitob (muqova, varaq va boshqalar) bilan tanishtiradi, ularga kitobdan to‘g‘ri foydalanishni o‘rgatadi. Hamma yosh guruhlarda tarbiyachi bolalar bilan kitob haqida suhbatlashadi, ularning burchakka qo‘yilgan kitoblar mazmunini bilish-bilmasliklari, illyustratsiyalarning ma'nosiga tushunish-tushun-masliklari bilan qiziqadi, bolalarning uylarida qanday kitoblar borligini surishtiradi. Tarbiyachi bolalar bilan birgalikda kitob yoki rasmni ko‘radi va ularni qanday asrash kerakligini ko‘rsatadi.
Hamma yosh guruhlarda ayrim bolalarga topshiriq berish usulidan: yangi kelgan bolaga kitob ko‘rsatish, u xaqida so‘zlab berish; kichik guruh bolalariga tanish kitoblarni, suratlarni birgalikda ko‘rishlari uchun vaqt-vaqti bilan tarbiyachining katta guruhlar bolalarini taklif etishi usulidan foydalaniladi.
Kitoblarni tartibga solish, yamash- kitob burchagining zaruriy ish shakli bo‘lib, kichik guruhlarda tarbiyachi o‘zi bolalar oldida kitobni yamaydi, katta guruhlarda esa bu ishda tarbiyachiga bolalar yordamlashadi. Tarbiyachi bolalarning kitob burchagida o‘zlarini qanday tutishlarini, kitobga qanday munosabatda bo‘layotganlarini, bolalarning illyustratsiyalarni ko‘rishga qanchalik e'tibor berayotganlarini nazorat qilib turadi, bolalar bilan yakka tarzda shug‘ullanadi.