Avtomatlashtirish va boshqarish

QARSHILIKLARNI O‘LCHASHNING KOMPENSATSION USULI
A niq o‘lchashlarda, ya'ni xatoliklarga yo‘l qo‘yilmaslik yoki xatoliklar minimumga keltirilishi lozim bo‘lganda, shuningdek, past haroratlarni o‘lchashda o‘lchashning kom-pensatsion usuli tarqalgan. Bu usulning mohiyati quyidagidan iborat: o‘lchanayotgan rezistorda va u bilan ketma-ket o‘lchanayotgan namuna rezistorda kuchlanish tushuvi taqqoslanadi 9.5-rasmda qarshilikni kompensatsion usulda o‘lchash sxemasi ko‘rsatilgan. Rezistorlardagi kuchlanish tushuvi, odatda, potensiometr yordamida o‘lchanadi. Bu holda ta'minlash kuchlanishi o‘lchash natijasiga ta'sir etmaydi, shuningdek, o‘lchash simlari qarshiligining ta'siri butunlay yo‘qotiladi, chunki o‘lchash paytlarida potensiometrni o‘lchash rezistori bilan ulaydigan asboblarda tok nolga teng bo‘ladi.
O‘lchanayotgan rezistor R_o‘ namuna rezistor R_H (9.5-rasm) bilan ketma-ket ulangan. Namuna rezistor sifatida karshilik magazinlari yoki karshilikning namuna g‘altaklaridan foydalaniladi. Zanjirdagi o‘lchash toki o‘zgaruvchan rezistor R yordamida o‘rnatiladi.
Bir tomondan, tok namuna rezistorda kuchlanish tushuvi bo‘yicha aniqlanadi:
I=U_H/R_Н (9.11)

bu yerda, U_H — namuna rezistorda kuchlanish tushuvi, mV; R_H — namuna rezistor qarshiligi, Om.
Ikkinchi tomondan,
I=U_ў/R_ў (9.12)
bu yerda, U_o‘— o‘lchanayotgan rezistorda kuchlanish tushuvi, mV; R_o‘ — o‘lchanayotgan rezistorning noma'lum qarshiligi, Om.
(2.72) va (2.73) lardan o‘lchanayotgan rezistor qarshiligini topamiz:
R_ў=R_H·U_ў/U_H (9.13)
Ko‘rilgan variantda kompensatsion usul mexanik o‘lchashlar uchun noqulay, chunki rezistor qarshiligini topish uchun navbat bilan o‘lchanayotgan namuna rezistordagi kuchlanish tushuvini o‘lchash lozim va so‘ngra o‘lchanayotgan rezistor qarshiligini hisoblash kerak
Termometrlarning kichik qarshiliklarini o‘lchash uchun avtomatik kompensatsion asboblar ishlab chiqilgan, ular kompensatsion o‘lchash usulining ijobiy xossalariga ega.
Termometrni ulashning to‘rt simli sxemasi simlar qarshiligining o‘lchash natijalariga ta'sirini butunlay bartaraf etish imkonini beradi.

9.6 – rasm. Kichik haroratlarni o‘lchash uchun avtomatik kompensatsion asbobning sxemasi.
Kichik haroratlarni o‘lchash uchun o‘zgaruvchan tok avtomatik kompensatsion asbobning prinsipial sxemasi 9.6- rasmda keltirilgan. Qarshilik termometri R_t ta'minlash manbaidan o‘zgaruvchan I tok bilan ta'minlanadi. Asbobning o‘lchash sxemasi T_r tok transformatoridan shunday ta'minlanadiki, o‘lchash toki I_o‘=K·I bo‘ladi. Agar termometrda kuchlanish U_ab bilan kompensatsiya qilinmagan bo‘lsa, unda kuchaytirgich kirishiga signal beriladi. Bu signal reversiv dvigatelni va reoxord sirpang‘ichi R_p ni kuchlanish U_ab tushuvini (R_t da) muvozanatlashtirmaguncha harakat qilishga (siljishga) majbur qiladi. Bu holda quyidagi tenglik bajariladi:
IR_t=U_ab=I_ўR_ab
yoki
IR_t=K·I(R_H+mR_пр), …. (9.14)
bu yerda,
_(9.15)
R_n rezistor asbob shkalasining sanoq boshini belgilashga xizmat qiladi, R_sh esa o‘lchash diapazonini o‘rnatadi. Transformatsiya koeffitsienti K ni amalda o‘zgarmas deb qarab, asbob ko‘rsatishlari m ta'minot kuchlanishi tebranishiga va termometrni ulash simlari qarshiligining o‘zgarishiga bog‘liq emas, deb hisoblash mumkin.