Az ə rbaycanda Pe şə

Qapaqlı kəsik cibin hazırlanması 
Geyimdə qapaqlı kəsik yan ciblərin (Şəkil 3.5) işlənməsi üçün aşağıdakı hissələr lazımdır: qapaq 
(1); qapağın astarı (1); köbə və podzor (1); cibin astarı (bir, iki hissədən ibarət ola bilər); cibin altlığı (1). 
Köbəni geyimin parçasından biçirlər. Cibin astarını xüsusi cib parçasından, satindən, bezdən və 
nadir hallarda astarlıq bezdən biçmək olar. Cibin podzorunu astarlıq parçadan, altlığını isə (bu cibin 
dartılmasının qarşısını almaq üçündür) bezdən, yapışqanlı parçadan biçirlər. Geyimin qapaq hissəsində 
köməkçi ülgü vasitəsilə, yaxud biçicinin qeyd etdiyi xətlərə əsasən cibin yerini 3 xətlə dəqiqləşdirirlər: bir 

---

38 
uzununa (cibin istiqamətini təyin edən) və iki eninə (cibin ölçüsünü təyin edən) xətlə. 
Qabaq hissənin tərs üzündən cib xəttinin altında kəsiklərdən 0,5 sm məsafədə 2 uzununa tikişlə 
cibin altlığını elə kökləyirlər ki, onun tən ortası cib kəsiyi nişanlanan xətlə üst-üstə düşsün, onun bir ucu 
yan kəsiyinə qədər çatsın, o biri ucu ilə bort araqatı materialının daxili kəsiyini 1-1,5 sm örtmüş olsun. 
Təpçiməni 3 sm uzunluğunda düzünə tikişlə yerinə yetirirlər. Cibin astarının hər hansı bir ucuna üz 
tərəfdən köbəni qoyur, kəsikləri düzəldir və eni 0,7 sm olan tikişlə calayırlar. Tikişi astar tərəfə ütüləyib 
yatırdırlar. Astarın o biri tərəfinə üz hissə yuxarı olmaqla podzoru qoyub üst və yan kəsikləri 
bərabərləşdirirlər; podzorun aşağı kəsiyini 0,7-1 sm ölçüdə içəriyə qatlayır, qatlanmış kənardan 0,1-0,2 
sm məsafədə bəzək tikişi vururlar. Sonra hazır vəziyyətdə qapağın enini dəqiqləşdirir və qapağın geyimin 
qabaq hissəsinə birləşdiriləcəyi yeri qeyd edirlər (Şəkil 3.5 a).Qapağı qabaq hissənin üst tərəfi aşağı, 
işlənmiş kənarı yuxarı vəziyyətdə qoyurlar; qapağın və qabaq hissənin üstündə qeyd olunmuş xətləri üst-
üstə yerləşdirir və diqqət yetirirlər ki, cibin qabaq hissəsində naxışlar bir-birinə uyğun gəlsin; qapağı 
kökləyir və maşınlayırlar, uclarında tikişi bərkidirlər (Şəkil 3.5 b, d). Geyimin qabaq hissəsinin üz tərəfinə 
qapağı birləşdirən tikişlə uc-uca, cibin astarı ilə birlikdə köbəni üst tərəfi aşağı olmaqla elə 
uyğunlaşdırırlar ki, onun ucları qapağın uclarından hər iki tərəfə 1-1,5 sm kənara çıxmış olsun; sonra 
köbəni kökləyir və 0,4-0,5 sm enində tikiş gedir və ucları bərkidirlər. 
Qapağın tikilmə xətti ilə köbənin tikişi arasındakı məsafə kantın, yaxud çərçivənin enindən 
asılıdır. Bunu cibin altlığı tərəfdən yoxlayırlar. Qapaq və köbənin tikişləri bir-birinə paralel olmalı və bir 
səviyyədə qurtarmalıdır (Şəkil 3.5 c). Cibin girəcəyi alt tərəfdən tikişlərin arasından, cibin mərkəzindən 
başlayıb tikişə 1 sm qalana qədər hər iki tərəfə kəsilir. Sonra kəsiyi tikişlərin ucuna 1 sm qalmış üçbucaq 
şəklində kəsirlər. Cibin kəsiyindən köbə ilə birlikdə astarı tərs üzünə keçirdirlər. Köbənin kənarını 
düzəldərək 0,4-0,5 sm enində çərçivə əmələ gətirirlər. Sonra köbənin tikişindən 0,1-0,2 sm aşağıdan 
kökləyirlər. Cibi hazır vəziyyətdə tərs və üst tərəfdən üstünə nəm ütüaltı material salıb ütüləyirlər (Şəkil 
3.5 ç).
Şəkil 3.5 Qapaqlı kəsik cibin hazırlanma ardıcıllığı