Azərbaycan Dövlət İqtisad Universiteti (unec) İl 9, Cild 9, yanvar-mart 2021

UNEC Elmi Xəbərləri, İl 9, Cild 9, yanvar-mart, 2021, səh. 92 - 107 
Scientific Reviews in UNEC, Year 9, Volume 9, January-March, 2021, pp. 92 - 107 

---

99 
dövrün çağırışlarına adekvat olaraq iqtisadiyyatın bütün sahələrini əhatə edən strateji 
yol xəritələrinin qəbulu mühüm əhəmiyyətə malikdir. 
Strateji yol xəritələrində sənayenin inkişaf etdirilməsi, müasir sənaye istehsalının 
təşkili, xaricdən yüksək texnologiyaların gətirilməsi və tətbiqi ilə müxtəlif istehsal 
sahələrində innovativ məhsulların istehsalı kimi prioritet məsələlərin həllində sənaye 
parkı institutundan istifadə xüsusi olaraq vurğulanmışdır. Azərbaycan Respublikası-
nın Milli İqtisadiyyat Perspektivi üzrə Strateji Yol Xəritəsinin “2025-ci ildən sonrakı 
dövr üçün hədəf baxış” bölməsində qeyri-neft sektoruna əlavə investisiya qoyuluş-
larının 2025-ci ilədək və ondan sonrakı dövrdə daha rəqabətli iqtisadiyyatın hərəkət-
verici qüvvəsi olması, bu səbəbdən də sənaye və xidmət sektorlarına birbaşa xarici 
investisiyaların cəlb edilməsinin vacibliyi qeyd edilmişdir [2, s.49]. Həmçinin texno-
logiya, bacarıqlar və qlobal dəyər zəncirlərinə çıxış təklif edən iri xarici şirkətlərin 
Azərbaycanın qeyri-neft sektoruna investisiya yatırması məqsədilə investorların cəlb 
edilməsi üçün 3 aspekt müəyyən edilmişdir. Bunlardan biri kimi son dərəcə cəlbedici 
investisiya mühitinin yaradılması üçün müasir infrastruktura malik sənaye parkla-
rından istifadə məsələsi önə çəkilmişdir. Dünya praktikasında bu parklar istehsalın 
vahid infrastrukturdan istifadə edilməklə kompakt ərazilərdə təşkil edilməsi və müx-
təlif növ stimullaşdırıcı tədbirlərin tətbiqi sayəsində sənayenin inkişaf etdirilməsi və 
ixracın təşviqi məqsədilə yaradılır. Son illərdə dünyanın müxtəlif regionlarında inno-
vativ sənaye istehsalının təşkilində sənaye parklarının tətbiqi məsələləri daha da 
aktuallaşmışdır. Məlumdur ki, innovasiya fəaliyyəti təkcə yeni texnologiyaların isteh-
salatda tətbiqi ilə məhdudlaşmır. Yeni texnologiyaların tətbiqi innovasiya fəaliyyə-
tində vacib həllərdən yalnız birini təşkil edir. Əslində isə innovasiya fəaliyyəti özündə 
kifayət qədər kompleks həlləri ehtiva edən bir prosesdir. Buraya yeni elmi biliklərin 
əldə edilməsi, elmi tədqiqat və təcrübi-konstruktor işlərinin aparılması, yüksəkixtisaslı 
kadr potensialının formalaşdırılması, elm və təhsil müəssisələri ilə əməkdaşlıq, inno-
vativ fəaliyyətin dəstəklənməsi tədbirləri daxildir ki, bütün bunlar müasir sənaye 
parklarının fəaliyyətində nəzərdə tutulmuş vacib aspektlərdir.