Azərbaycan Dövlət İqtisad Universiteti (unec) İl 9, Cild 9, yanvar-mart 2021

Müəssisələrin İKT əldə etməsində olan maneələr 
Bir çox mütəxəssislərin fikirlərinə əsasən müəssisələrin biznes fəaliyyətlərində İKT-
dən lazımi səviyyədə istifadəsinə mane olan müəyyən amillər mövcuddur. Maneələr 
ölkələr və sektorlar üzrə fərqlənir, ümumilikdə bu istiqamət üzrə aşağıda göstərilən 
xüsusi maneələri qeyd etmək mümkündür: 
1. Bəzi biznes fəaliyyətlərində İKT-dən istifadə qeyri-mümkündür. Bir sıra müəs-
sisələr öz biznes fəaliyyətlərində İKT vasitələrindən istifadə etmədiklərini fəaliyyət 
göstərdikləri biznesin növü ilə əlaqələndirirlər. Belə ki, Avropa Birliyində aparılmış 
tədqiqatdan aydın olur ki, öz satış məqsədləri üçün internetdən istifadə etməyən kiçik 
və orta müəssisələr elektron kommersiyanın onların biznes fəaliyyətlərinə uyğun 
olmadığını düşünürlər. Bir sıra kiçik müəssisələr isə İKT-dən yalnız əlaqə yaradılması 
məqsədilə istifadə edirlər. Bu baxımdan da qeyd etmək olar ki, müəssisələrin İKT 
vasitələri haqqında bu fikirdə olmaları onların İKT texnologiyalarından lazımi şəkildə 
istifadə etməməklərinə səbəb olur. 
2. Sahibkarların və işçi heyətin İKT bacarıqlarının azlığı. Bir çox müəssisələrdə sahib-
kar və menecerlərin İKT bacarıqları onların biznes fəaliyyətlərində İKT-dən istifadə 
səviyyələrinə əhəmiyyətli şəkildə təsir edir. Sahibkar və ya menecerin İKT vərdişləri 
az olduğu təqdirdə İKT-nin yalnız böyük müəssisələr üçün səmərəli olduğunu düşü-
nürlər. Həmin müəssisələrin lazımi maliyyə resursları olduğu təqdirdə belə, biznes 
fəaliyyətlərinin İKT-yə ehtiyacını dərk etməkdə çətinlik çəkirlər. Bundan əlavə, bir 
sıra müəssisə menecerləri İKT haqqında müsbət fikirdə olduqları təqdirdə belə, 
işçilərin İKT bacarıqlarının yoxluğu onların çətinliklə qarşılaşmalarına səbəb olur. 
3. Müəssisələrdə standartların və İKT ilə əlaqədar tətbiqlərin yoxluğu. Alıcılar və təc-
hizatçılar arasında əlaqələrin yaradılması müştərək platformanın mövcudluğu şəraitində 
mümkün olur. Müəssisələr kommunikasiya vasitələri tətbiq etmək istədikdə çoxlu sayda 
müxtəlif alternativlər ilə qarşılaşırlar. Avadanlıqların müxtəlifliyi bir çox müəssisələri 
bu sahəyə investisiya yatırmaqdan çəkindirir. Bundan əlavə, bir çox yüksək səviyyəli