Çəmənxanım Bağırova Kimyanın tədrisi üsulunn ümumi məsələləri imtahan tapşırığı cavabı
Elmi təfəkkürün ümumi formalarını və metodlarını izah edən fəlsəfi metodologiya: Metodoloji təhlilin birinci və ən yüksək səviyyəsini elmi nəticələrin fəlsəfi izahı baxımından inteqrasiyasını verən elmi təfəkkürün ümumi formalarının və metodlarının dialektik izahını verən fəlsəfi metodologiyadır. Dialektik metodun tərkib hissəsi kimi olan sinergetika hal-hazırda özünütəşkil və özünüformalaşdıran sistemlərin konseptual izahını verməyə can atır. Dialektik metod elmi tədqiqatın istiqaqmətini açmaqla ümumelmi metodoloji məqsədlərin formalaşmasını təmin edir, zəngin empirik materiallar içərisində düzgün istiqamətlənməyə və faktlar labirintindən çıxmağa imkan yaradır. Müasir elmin müxtəlif sahələrində qazanılmış nailiyyətlərin çox böyük əksəriyyəti elmə dialektik metodologiyanın nüfuz etməsi ilə şərtlənir.
