Azərbaycan tarixi məsələləri İran tarixşünaslığında
261
Azərbaycan xalqının tarixi və dili ilə bağlı qeyri-elmi iddiaları
İslam Respublikası hökumətinin rəsmi milli siyasəti ilə üst-üstə
düşür.
İranın bəzi dairələri tərəfindən atılan addımlar, elə Ermə-
nistan hökuməti tərəfindən qızışdırılan
mahiyyətcə antitürk məz-
munu daşıyan, guya İran (fars) və erməni xalqlarının ümumi
köklərə və dəyərlərə malik olması haqqında təbliğat, əslində
İranda milli-etnik sabitliyə qarşı atılan addımlardır.
İran tarixçiləri Güney Azərbaycanda XX əsrin əvvəllərin-
də baş vermiş demokratik hərəkatlara da öz tədqiqatlarında geniş
yer ayırırlar. İran tarixşünaslığının Azərbaycanşünaslıq istiqamə-
tinin “xaç atası” hesab edilən S.Ə.Kəsrəvidən başlamış müasir
tarixçilərə qədər əksəriyyət bu hərəkatları İranın siyasi tarixində
əhəmiyyətli hadisələr kimi qiymətləndirir, İranda siyasi hərəkat-
ların mərkəzinin həmişə Azərbaycan
olduğunu etiraf etməli
olurlar. Lakin bununla yanaşı, Məşrutə hərəkatında Azərbaycan
türklərinin həlledici iştirakının İran tarixşünaslığında arxa plana
keçirilməsi, Səttarxan, Bağırxan kimi mücahidlərin inqilabi fə-
aliyyətini kiçiltmək, hətta bu hərəkatda ermənilərin əsas rol
oynadığını sübut etməyə cəhdlər bu günlərdə də davam edir.
İran tarixşünaslığı Azərbaycanın qədim dövlətçilik ənənə-
ləri ilə yanaşı müasir dövlətçilik tarixinə qarşı da çıxış edərək
xüsusən 1918-1920-ci illərdə Azərbaycan
Xalq Cümhuriyyətinin
yaradılmasına və fəaliyyətinə qeyri-tarixi yanaşma nümayiş etdirir.
Bu yanaşma hələ Cümhuriyyətin yarandığı ilk günlərdən özünü
göstərmiş, İranın rəsmi dairələri ölkənin şimal sərhədləri yaxınlı-
ğında demokratik dünyəvi türk dövlətinin yaranmasını, onun Azər-
baycan adlandırılmasını xüsusi qısqanclıqla qarşılamışlar.
İran dövləti ilk vaxtlarda Azərbaycan adında dövlətin
müstəqilliyini tanımadığını, hətta Azərbaycanın guya İranın ay-
rılmaz bir hissəsi olduğunu bildirmişdi. Bu xeyli dərəcədə Azər-
baycanın müstəqilliyinin Сənubi Azərbaycanda milli ideyanın
inkişafına təsir göstərə biləcəyindən və gələcəkdə vahid Azər-
Eynulla Mədətli
262
baycan dövlətinin yarana biləcəyindən meydana gələn qorxunun
təzahürü idi.
Lakin Azərbaycan rəhbərliyinin qətiyyətli və ardıcıl siya-
səti nəticəsində İran nəinki Azərbaycanın müstəqilliyini tanımış,
hətta
onunla siyasi, iqtisadi əlaqələr yaratmaq üçün Azərbaycan
Xalq Cümhuriyyətinə xüsusi nümayəndə heyəti göndərmiş, iki
dövlət arasında diplomatik nümayəndəliklər səviyyəsində qarşı-
lıqlı münasibətlər yaradılmış, dostluq müqaviləsi bağlanmışdı.
İran tarixçiləri hələ 20-ci illərdə Arazdan şimaldakı ərazi-
lərə «Azərbaycan» adının ilk dəfə 1918-ci ildə qoyulduğunu,
sonra da Sovet dövlətinin bu addan istifadə etdiyini Azərbaycan
və Türkiyə pantürküstlərinin əməli olduğunu iddia etməklə
tarixi təhrif etməyə çalışır və bu məsələdə erməni ideoloqları və
tarixçiləri ilə eyni mövqedən çıxış edirdilər. Müasir İran tarixçi-
lərinin bir çoxunun bu mövqedən çıxış etmələri, tarixi məsə-
lələrə elmi deyil, siyasi mövqedən yanaşıldığını bir
daha sübut
edir.
Bütün bunlar Azərbaycan Xalq Cümhuriyətinin tarixinə
dair İran tarixşünaslığında dərin kök salmış paniranist və an-
tiazərbaycan səciyyəsi daşıyan müddəaların elmi şəkildə təkzib
edilməsinin aktuallığını bir daha üzə çıxarır.
İran tarixçilərinin Şeyx Məhəmməd Xiyabani hərəkatı haq-
qında da əsərləri də obyektiv təhlilə və dəyərləndirməyə möhtac-
dır. İran tarixşünaslığında bu hərəkatın kökləri, gedişi, nəticələri
haqqında müxtəlif fikirlər, yanaşmalar mövcuddur. Bəziləri bu
hərəkatı separatizm hərəkatı, digərləri isə İranın demokratikləş-
dirilməsi, milli hüquqların təmin edilməsi kimi qiymətləndirirlər.
Monoqrafiyada bu yanaşmalar ətraflı təhlil edilmiş,
Azərbaycan-
da XX əsrin əvvəllərində baş vermiş və ictimai-siyasi mühitə də-
rin təsir göstərmiş milli-demokratik hərəkatların İran tarixşünas-
lığında tədqiqinin səciyyəvi cəhətləri, uğurları və nöqsanları
müəyyənləşdirilmişdir.