Azərbaycan Respublikası Səhiyyə Nazirinin 19 sentyabr 2012-ci IL tarixli 70 nömrəli

Nəqliyyat təmiri üzrə fəhlənin nümunəvi vəzifə

TƏLİMATI

I.

Ümumi müddəalar

1. 

Bu   vəzifə   təlimatı   nəqliyyat   təmiri   üzrə   fəhlənin   vəzifə   öhdəliklərini, 

hüquq və məsuliyyətini müəyyən edir.

2. 

Nəqliyyat təmiri üzrə fəhlə vəzifəsinə orta peşə  təhsili və ixtisası üzrə 

müvafiq hazırlığı olan şəxs təyin edilir.

3. 

Nəqliyyat  təmiri   üzrə  fəhlə   Azərbaycan   Respublikasının   qüvvədə   olan 

qanunvericiliyinə əsasən müəssisənin rəhbərinin əmri ilə vəzifəyə təyin  və vəzifədən 

azad edilir.

4. 

Nəqliyyat təmiri üzrə fəhlə bilavasitə öz struktur bölməsinin rəhbəri və ya 

müəssisənin rəhbərinin təsərrüfat işləri üzrə müavini olmaqla, müəssisənin rəhbərinə 

tabe olur.

5. 

Nəqliyyat təmiri üzrə fəhlə aşağıdakıları bilməlidir:

5.1.  Azərbaycan Respublikasının Konstitusiyasını;

5.2.  ayrı-ayrı sadə hissələrin sökülməsi üzrə işlərin yerinə yetirilməsinin əsas 

yollarını;

5.3.  istifadə   edilən   çilingər   və   kontrol-ölçü   alətlərinin   təyinatı   və   tətbiqi 

qaydasını;

434

---

5.4.  metalların,   yağların,   yanacağın,   əyləc   mayesinin,   yuyucu   tərkiblərin 

adlarını və markalanmasını;

5.5.  avtomobillərin quruluşu haqqında əsas məlumatları;

5.6.  hissələrin quraşdırılması qaydasını;

5.7.  elektrik   məftillərinin   hazırlanması,   birləşdirilməsi,   izolə   edilməsi   və 

lehimlənməsi yolları və üsullarını;

5.8.  elektrotexniki   və   izolyasiya   materiallarının   əsas   növlərini,   onların 

xüsusiyyətlərini və təyinatını; 

5.9.  bərkitmə işlərinin yerinə yetirilməsi üsullarını və birinci və ikinci texniki 

xidmətin həcmlərini;

5.10.  daha   geniş   yayılmış   universal   və   xüsusi   qurğuların   və   kontrol-ölçü 

alətlərinin   təyinatı   və   tətbiqi   qaydalarını;   emal   edilən   materialların   əsas   mexaniki 

xüsusiyyətlərini;

5.11.  soyuducu   və   əyləc   mayelərinin,   yağların   və   yanacağın   təyinatı   və 

tətbiqini;

5.12.  pnevmatik və elektrik alətlərinin tətbiqi qaydalarını;

5.13.  qüsurluluq parametrlərini; 

5.14.  yerinə   yetirilən   iş   həcmində   elektrotexnikanın   və   metalların 

texnologiyasının əsaslarını bilməlidir.