Təhsildə istifadə olunan İKT avadanlığının
didaktik xüsusiyyətləri və funksiyaları.
IKT-nin sürətli inkişafı, onun cəmiyyətin bütün fəaliyyət sahələrinə və proseslərə güclü
müdaxiləsini təmin edir. Buna görə də yeni şəraitdə cəmiyyətin hərtərəfli və dinamik inkişafının
təmin olunması üçün ən yaxşı vasitə kimi İKT çıxış edir. Aydındır ki, ölkələrin rəqabətədavamlı
iqtisadiyyatlarının təminatı, həmin ölkələrin təhsil sistemlərinin işindən birbaşa aslıdır. Odur ki,
təhsil sistemində də işlərin səmərəli təşkili üçün buraya yeni texnologiyaların, innovasiyaların
tətbiqinə geniş yer ayrılmalıdır. Bu baxımdan İKT avadanlığının təhsilə tətbiqi mühüm rol oynayır
və bu yöndə aşağıda göstərilən perspektivləri açır:
1. Audio-video dərsliklərdən geniş istifadə etməklə multimedia tədris materiallarının uzaq
məsafələrə ötürülməsi və qəbul edilməsi imkanları;
2. Təhsilin bütün mərhələləri üçün kompüter texnologiyalarına əsaslanan kəsilməz və fasiləsiz
tədris mühitinin formalaşdırılması;
3. Öyrənənin şəxsi yaradıcılıq imkanlarına müvafiq təlim metodikasının, onun növünün
seçilməsində sərbəstliyin artması;
4. Təhsil sisteminin İKT-yə əsaslanan elmi-metodiki bazasının yaradılması;
5. Açiq təhsil sisteminin reallaşdırılması üçün imkanların artması.
Göstərilənlərin həyata keçirilməsi məqsədi ilə təhsil sistemində telekommunikasiya
sisteminin imkanlarından da geniş istifadə olunur.
Dostları ilə paylaş: | 
