Azərbaycan respublikasi adindan qətnamə surəTİ

İŞİN HALLARI: 

İddiaçı  Şəkərov  Qədir  Muxtar    oğlu  cavabdeh  Şükürov  Qaşqay  Fərzulla  oğluna  qarşı 

“Yol-nəqliyyat hadisəsi nəticəsində sağlamılğa vurulmuş zərərin əvəzinin ödənilməsi tələbinə” 

dair  iddia  ərizəsi  ilə  Astara  Rayon  Məhkəməsinə  müraciət  edərək  cavabdeh  Şükürov  Qaşqay 

Fərzulla oğlundan sağlamlığına vurulmuş xəsarət nəticəsində itirdiyi qazancın əvəzinə görə, 16 

may  2013-cü  il  tarixdən,  hər  ay  500  (beş  yüz)  manat,  sağlamlığının  bərpasına  çəkdiyi  əlavə 

xərcə görə 5000 (beş min) manat, təkrar cərrahi əməliyyata görə 6000 (altı min) manat, notarius 

xərcinə görə 36 (otuz altı) manat pulun alınıb, ona verilməsinə dair qətnamə çıxarılmasını xahiş 

etmişdir. 

Birinci  instansiya  məhkəməsində  aparılan  icraat  zamanı  iddiaçı  Şəkərov  Qədir  Muxtar 

oğlu  iddianı  müdafiə  edərək,  məhkəmə  iclasında  verdiyi  izahatında  göstərmişdir  ki,  cavabdeh 

Şükürov Qaşqay Fərzulla oğlu 16 yanvar 2013-cü il tarixdə idarə etdiyi VAZ 21063 markalı 07 

BC  493  dövlət  qeydiyyat  nişanlı  avtomaşınla  Ələt-Astara-İran  İslam  Respublikası  avtomobil 

yolunun  Astara  rayonun  Pensər  kəndi  ərazisindən  keçən  hissəsində  hərəkətdə  olarkən  yol 

hərəkəti  qaydalarını  pozaraq  yol-nəqliyyat  hadisəsi  törədərək  idarə  etdiyi  avtomaşınla  onu 

vurmuşdur. Həmin avtoqəza nəticəsində ona sağ bud və sağ baldır sümüklərinin acıq sınığı, sağ 

baldır, sağ ayaq və ic topuq nahiyyələrindən ağır xəsarətlər almışdır. Bu yol-nəqliyyat hadisəsi 

nəticəsində o, sağlamlığını, müstəqil hərəkət etmək imkanını itirmişdir. Bir neçə bahalı cərrahi 

əməliyyatlar  keçirsədə  sağlamlığı  bərpa  edilməmişdir.  Həmin  avtoqəza  hadisəsinə  kimi  o, 

---

2 

 

çayxanada çaycı işləməklə ayda 500-700 manat pul qazanırdı. Orada işləyərkən vergi ödəyicisi 

kimi  qeydiyyata  da  düşmüşdür.  Ailəsi  ücü  azyaşlı  olmaqla  beş  nəfərdən  ibarətdir.  Həmin 

avtoqəza  hadisəsinə  görə  cavabdeh  Şükürov  Qaşqay  Fərzulla  oğlu    Astara  Rayon 

Məhkəməsinin  01  avqust  2013-cü  il  tarixli  1(018)-65/2013  saylı  hökmü  ilə  Azərbaycan 

Respublikası  CM-nin  263.1-1-ci  maddəsi  ilə  təqsirli  bilinib  1  (bir)  il  müddətinə  nəqliyyat 

vasitələrini  idarə  etmək  hüququndan  məhrum  edilməklə,  2  (iki)  il  müddətinə  azadlıqdan 

məhrum  etmə  çəzasına  məhkum  edilmişdir.  Onun  qaldırdığı  iddiaya  əsasən  Astara  Rayon 

Məhkəməsinin  21  may  2014-cü  il  tarixli  2(018)-234/2014  saylı  qətnaməsinə  əsasən  cavabdeh 

Şükürov  Qaşqay  Fərzulla  oğlundan  məhrum  olunduğu  qazanca  görə  370  manat  pulun  alınıb 

ona  verilməsi  qət  edilmişdir.  O,  aldığı  xəsarətlərə  görə  İİR-da  olan  “Arta”  xəstəxanasında  üc 

dəfə  əməliyyat  olunmuş  və  həmin  əməliyyatlara  5000  (beş  min)  manat  pul  xərcləmişdir.  Onu 

müayinə  edən  həkimlərin  yekdil  rəyinə  görə  o  təkrar  cərrahi  əməliyyt  olunmalıdır.  Həmin 

cərrahi  əməliyytları  isə  İİR-da  və  ya  Türküyə  Respublikasında  etmək  mümkündür.  Həmin 

cərrahi  əməliyytla  əlaqədar  İİR-da  olan  “Arad”  xəstəxanasında  olarkən  təkrar  əməliyyat  ücün 

6000  (altı  min)  manat  pul  lazım  olmasını  bildirmişlər.  Ona  görə  də  iddianın  təmin  edilməsini 

xahiş etmişdir. 

Birinci  instansiya  məhkəməsində  aparılan  icraat  zamanı  cavabdeh  Şükürov  Qaşqay 

Fərzulla  oğluna  məhkəmə  iclasının  yeri  və  vaxtı  barədə  qabaqcadan  məlumat  verilməsinə 

baxmayaraq o, təkrar məhkəmə iclasına gəlməmişdir və onun məhkəmə iclasına gəlməməsinin 

səbəblərinə dair məhkəməyə məlumat daxil olmamışdır. Astara Rayon Məhkəməsi Azərbaycan 

Respublikasının MPM-nin 185.5-ci maddəsinə əsasən mülki işə onun iştirakı olmadan baxmağı 

mümkün hesab etmişdir.  

Birinci  instansiya  məhkəməsi  qismində  işə  baxan  Astara  Rayon  Məhkəməsi  tələb  üzrə 

yuxarıda göstərilən hüquqi nəticəyə gəlmişdir.