Qrafik 2.3 Azərbaycanın qeyri neft ixracında hərəkət trendləri (1995-ci il üçün göstəricini 100% qəbul etdikdə)
Mənbə: Qrafik ARDSK-nin məlumatları əsasında müəllif tərəfindən hazırlanmışdır.
Azərbaycanın qeyri-neft ixracında hərəkət trendlərini izləyərkən müəyyən olur ki, ümumilikdə bu sahədə artım tempi 2003-cü ildən etibarən müsbət istiqamətdə davam etmişdir. Bunun əsas səbəbi kimi qeyri-neft sektoruna yatırılan investisiyaların artımı, xarici əlaqələrin genişlənməsidir. 2008-ci ildə yaşanan qlobal iqtisadi böhran Azərbaycanın qeyri-neft ixracına da təsir etmiş, bu sahədə müəyyən azalma olmuşdur. Qeyri neft ixracı üzrə maksimal artım 2013-cü ildə qeydə alınmışdır. Qeyd edilən ildə qeyri-neft ixracında artım 6.5 dəfədən yüksək olmuşdur. Lakin bu artım, ölkənin ÜDM-da və ümumi ixracdakı payında çox az paya malikdir.
Ümumilikdə qeyd etmək lazımdır ki, ÜDM-nin artım tempinin qeyri stabil olması, neft qiymətlərində baş verən tərəddüdlərlə sıx bağlıdır. Aparılan araşdırmalara görə Azərbaycanda qeyri-neft sektorunda real artım tempinin neft sektoru ilə müqaisə dəfələrlə aşağı olmasının əsas səbələri qeyri-neft sektoruna cəlb edilən investisiyaların azlığı və qeyd edilən sektorun istehsal etdiyi məhsullara xarici tələbin aşağı səviyyədə olması ilə əlaqədardır. [4, s.51]
Dostları ilə paylaş: |
