Xarici aləmlə əlaqə
Məhbuslara öz ailələri və azadlıqdan məhrum etmə yerində saxlanma
tələbləri, təhlükəsizliyin və nizam-intizamın gözlənilməsi şərti ilə müxtəlif
təşkilatların nümayəndələri ilə əlaqə saxlamağa, imkan daxilində həmin
şəxslərlə tez-tez görüşməyə icazə verilir.
Xarici aləmlə əlaqəyə kömək üçün bu qaydaların 4-cü hissəsində qeyd
olunduğu kimi, islah təsirinin məqsədlərinə uyğun olaraq azadlıdan məhrum
etmə yerlərindən məzuniyyətlər sistemi mövcud olmalıdır.
Əcnəbi məhbuslara mənsub olduqları ölkələrin diplomatik və konsulluq
nümayəndəliklərinə müraciət hüququnun olması barədə yubadılmadan
məlumat verilir, bundan ötrü onlara imkan daxilində lazım olan vasitələrdən
istifadə etmək üçün şərait yaradılır. Azadlıqdan məhrum etmə yerinin
müdiriyyəti həbsdə olan əcnəbilərin mənafelərini, xüsusi ehtiyaclarını nəzərə
alaraq, yuxarıda qeyd olunan nümayəndəliklərlə sıx əlaqə saxlayır.
Əcnəbi məhbusların bu ölkədə diplomatik və ya konsulluq
nümayəndəlikləri olmadıqda, həmçinin qağqmlara və vətəndaşlığı olmayan
şəxslərə onların mənafelərini təmsil edən dövlətlərin nümayəndəliklərinə və
ya həmin şəxslərin maraqlarını müdafiə etmək hüququ olan milli və ya
beynəlxalq orqanın nümayəndələrinə müraciət etmək üçün eyni imkan
yaradılır.
Məhbuslar qəzetlərdən, dövrü və digər nəşrlərdən, radio və televiziya
verilişlərindən, mühazirələrdən və ya oxşar mənbələrdən müdiriyyətin
razılığı və nəzarəti altında yeniliklər barədə müntəzəm olaraq məlumat ala
bilərlər. Dil ilə əlaqədar çətinlik çəkən xarici vətəndaşların tələbatını ödəmək
üçün xüsusi tədbirlər həyata keçirilməlidir.
Dostları ilə paylaş: |