V. BAYRAMOV,
“Xalq qəzeti”
On bir ayda 54 milyard 433 milyon manatlıq
ÜDM istehsal olunmuşdur
2016-cı ilin yanvar-noyabr
aylarında ölkə rezidentləri tərəfindən
54 milyard 433,1 milyon manatlıq və
ya əhalinin hər nəfərinə 5649,9 manat
dəyərində ümumi daxili məhsul istehsal
edilmişdir.
Dövlət Statistika Komitəsindən verilən
məlumatda bildirilir ki, ümumi daxili məhsulun
66 faizi iqtisadiyyatın qeyri-neft sahələrində, 34
faizi isə neft-qaz sektorunda istehsal edilmişdir.
Bu dövrdə informasiya və rabitə sahələrində
əlavə dəyər istehsalı əvvəlki ilin müvafiq
dövrü ilə müqayisədə 4,4 faiz, kənd təsərrüfatı,
meşə təsərrüfatı və balıqçılıq sahələrində 2,3
faiz, ticarət və nəqliyyat vasitələrinin təmiri
sahələrində 1,7 faiz, turistlərin yerləşdirilməsi və
ictimai iaşə sahələrində 0,6 faiz, sənayedə 0,3
faiz artmış, tikintidə 27,9 faiz, nəqliyyat və anbar
təsərrüfatı sahələrində 1 faiz, iqtisadiyyatın digər
sahələrində isə 2,6 faiz azalmışdır.
Tikinti sektorunda istehsalın azalması cari
ilin yanvar-noyabrında ümumi daxili məhsulun
əvvəlki ilin eyni dövrünə nisbətən 3,9 faiz azal-
masına təsir edən əsas amil olmuşdur.
Dostları ilə paylaş: | 
