Helmintlərin toksik təsiri – parazitlər bağırsağa keçərək həzm prosesinə təsir edir, qida maddələrini udaraq toksik maddələr ifraz edirlər. Toksik maddələr qana keçərək orqan və sistemlərin, xüsusilə də sinir sisteminin fəaliyyətinə təsir göstərir. Belə uşaqların oyanıqlığı artır, yuxusu pozulur.Bəzi hallarda helmintozlar qıcolmalarla da özünü büruzə verirlər.
• Antiferment təsir – helmintlərin ifraz etdiyi toksinlər həzm sistemində iştirak edən bir sıra fermentlərə mənfi təsir göstərirlər. Xüsusən pepsin və tripsin fermentlərinin fəaliyyətlərini neytrallaşdırmaqla bəzi xəstəliklərin inkişafına təkan verirlər.
• Sinir-reflektor təsir– helmintlər sinir uclarını (interreseptorları) qıcıqlandıraraq, bronxospazm, bağırsağın disfunksiyası, övrə kimi xəstəliklərlə nəticələnən ağır vegetativ çatışmazlıqlara gətirib çıxarır.