Azərbaycanın geologİyası I mühazİrə

Trias sistemi. Böyük Qafqazın şimal yamacında Trias çöküntülərinin çıxışları yalnız Laba və Belaya çayları hövzələrinin şimal-qərb hissəsində kiçik sahədə mə­lumdur. Burada Trias çöküntüləri həm ondan altda yatan üst Paleozoydan, həm də üstdə yerləşən Yura çöküntülərindən fasilələrlə ayrılır.

Şimali-Qərbi Qafqazda Laba və Belaya çaylarının ust hissələrində Trias tam kə­­­­silişə malikdir. Alt Trias əsasən konqlomerat, qumdaşı, qumlu əhəng­da­şından iba­rət­dir, qalınlığı 300 m-ə qədərdir. Orta Trias aşağı hissədə laylı əhəng­daşlarından, ust his­sədə isə mergelli şistlərdən (Anizi mərtəbəsi) ibarətdir. Anizi mər­təbəsinin qalın­lığı 300-400 m arasındadı. Lada mərtəbəsi- gilli şistlərdən, qum­daşlarından və konq­lomerat araqatından ibarətdir, qalınlığı 100 m- dir. Üst Trias kəsi­lişinin aşağı his­sə­sin­də (Karniy mərtəbəsi) terrigen xarakter daşıyır və siderişli gilli şistlərdən, qum­da­şından və konqlomerat araqatlarından ibarətdir, qalınlığı 100 m- dir. Nori mər­­­­təbəsi açıq rəngli massiv folomitləşmiş əhəngdaşlarından ibarətdir, qalın­lığı 500- m. Üst Triasın ümumi qalınlığı 600 m- dir.