19.4.4. Maxsus chaqqonlik
O‘yin davomida keskin o‘zgarib turuvchi o‘yin vaziyati texnik-taktik malakalarni shu vaziyat talabiga mos ravishda ijro etilishini taqozo etadi:
- to‘siqlar osha (3 ta ketma-ket to‘siqdan) oldinga va orqaga chopish-to‘siq qo‘yish-sakrab zarba berish;
- yiqilib to‘pni qabul qilish – sakrab to‘p uzatish taqlidlari (60,61-rasmlar).
60-rasm.
61-rasm.
19.4.5. Maxsus egiluvchanlik
Voleybol o‘yinida ijro etiluvchi texnik-taktik malakalarni samarali ijro etishda egiluvchanlik sifatining ahamiyati alohida o‘rin egallaydi. Voleybolchining egiluvchanligi o‘ziga xos optimal amplitudada rivojlangan bo‘lishi lozim. Me’yoridan ortiq yoki kam amplitudaga ega egiluvchanlik o‘yin malakasining ijro etilish samarasiga salbiy ta’sir qilishi mumkin. Masalan: ko‘krak bilan yiqilib to‘pni qabul qilishda ortiq-amplitudalik egiluvchanlik jarohatlanishga olib kelishi ehtimoldan holi emas. Maxsus egiluvchanlikni tarbiyalash uchun egilish, bukilish, yozilish, burilish va bo‘g‘imlarni «qisish»ga oid mashqlarni bajarish mumkin.
Namunaviy mashqlar:
- o‘tirgan holatda gavdani bukish–peshona tizzalarga imkoniyati boricha yaqinlashtiriladi, oyoqlar bukilmaydi;
- «bukri ko‘prik» mashqini bajarish;
- tik turgan holatda tananing tos-bel qismidan aylanma (o‘ng va chap tomonga) harakatga keltirish;
- ikki shug‘ullanuvchi turli holatlardan bir-birini bukish, egish, burish, «yozish» mashqlarini bajaradi va hokazo.
19-andoza
20-andoza
«Jismoniy tayyorgarlik»
mavzusi bo‘yicha nazorat savollari
Voleybolchilar jismoniy tayyorgarligining asosiy maqsadi nimaga qaratiladi?
Jismoniy tayyorgarlik qanday bosqichlardan iborat?
Jismoniy tayyorgarlik uslublari va vositalari, ularning mohiyati nimalar bilan izohlanadi?
Jismoniy tayyorgarlikni tashkil qilishda qanday omillarga asoslaniladi?
Jismoniy tayyorgarlik qanday nazorat qilinadi va baholaniladi?
Dostları ilə paylaş: |
