Laktatsiya – siyirlardin` tuwg`annan keyin su`tten shiqqang`a shekemgi da`wiri laktatsiya delinedi. Siyir
tuwg`annan keyin qashiriwg`a shekemgi o`tken da`wiri servis da`wiri delinedi. Qaramallarda laktatsiya
da`wiri 305 ku`n, servis da`wiri 60 ku`n esaplanadi. Siyir tuwg`annan keyin su`t mug`dari 3-4 ayg`a
shekem ko`beyip baradi ha`m buwazliqtin` 5-6 ayinda kemeyedi. Su`t o`nimdarligin esapqa alip bariw
ushin qadag`alaw sawim o`tkeriw kerek. Ha`r aydin` 10-20-30 ku`nlerinde o`tkeriledi. Su`ttin`
maylilig`in ha`r ku`ni, bir ayda bir ma`rte yamasa laktatsiya da`wirinde esapqa alinadi.
Qaramallar qanday o`nim aliniwina qarap aniqlanatug`in xojaliqqa paydali belgileri tiykarinda porodalar
to`mendegishe klassifikatsiyalanadi:
1. Su`t ushin bag`ilatug`in, yag`niy su`ti ko`p porodalar. Bul gruppag`a go`sh o`nimdarlig`i ekinshi
da`rejeli a`hmiyetke iye bolg`an porodalar kiredi. (golland, yaroslav, xolmogor, qizil-sho`l, qara-ala,
Bushuev h.b. porodalar)
2. Eki tu`rli o`nim ushin bag`ilatug`in go`sh-su`t bag`darindag`i porodalar (shvits, simmental, alataw h.b.
porodalar).
3. Go`sh bag`darindag`i porodalar. (shortgorn, gereford, santa-gertruda, qazaqi aq bas, aberdin-angus
h.t.b. porodalar) kiredi.
O`zbekstanda tiykarinan qara-ala, shvits, qizil-sho`l, bushuev, qazaqi aq bas, santa-gertruda porodalari
rayonlastirilg`an. Sonin` ishinde Qaraqalpaqstan respublikasinda Bozataw rayoninda go`sh bag`darinda
rayonlastirilg`an santa-gertruda, qazaqi-aqbas qaramal porodalari bag`iladi.
Dostları ilə paylaş: