Səkkizinci göstərici - müəllimin öz şagirdlərində tərbiyəlilik və tərbiyə olunmağa qabilliyin zəruri səviyyəsini təmin edə bilməsidir. Həmin göstərici müəllimin bir sıra bacarıqlarında ifadə olunur: şagirdlərin vətəndaşlıq mövqeyini, onun real sosial davranış və hərəkətlərini, dünyagörüşü və təlimə münasibətini, əməyə hazırlığını, müəllimin gələcək tərbiyəvi təsirlərini qəbul etməyə hazırlığını formalaşdıra bilmək və s.
Doqquzuncu göstərici - müəllimin pedaqoji məqsədyönlülüyü vəziyyətidir. Həmin göstərici müəllimin bir sıra bacarıqlarında ifadə olunur:sosial sifarişə, şagird kontingentinə və özünün imkanlarına istinad etməklə, pedaqoji fəaliyyətə pedaqoji vəzifələr sisteminin həlli kimi yanaşmaqla pedaqoji vəzifələrin hazırlan- ması prosesini təhlil etmək və təkmilləşdirməyi bacarmaq və s.Onuncu göstərici - müəllimin pedaqoji təfəkkürünün vəziyyətidir. Həmin göstərici müəllimin bir sıra bacarıqlarında ifadə olunur: pedaqoji situasiyaları oxşaq cəhətlərinə görə müqayisə etməyi, pedaqoji mərifətdən şagirdlərə təlim-tərbiyə vasitəsi kimi istifadə etməyi, pedaqoji intuisiyaya əsaslanmağı bacarmaq.On birinci göstərici - müəllimin pedaqoji refleksiyasının vəziyyətidir. Həmin göstərici müəllimin bir sıra bacarıqlarında ifadə olunur: cəmiyyətin qanunlarına və zamanın tələblərinə uyğun olaraq öz pedaqoji fəaliyyətini daima təkmilləşdirməyi bacarmaq.
