Qonuni o‘zbekiston respublikasi milliy gvardiyasi to‘G‘risida

45-modda. Milliy gvardiyaning harbiy xizmatchilarini (xodimlarini) 
ishga joylashtirish kafolatlari 
Milliy gvardiyaga harbiy xizmatga (xizmatga) qabul qilingan harbiy 
xizmatchi (xodim) harbiy xizmatdan (xizmatdan) bo‘shatilganidan keyin, agar 
u bo‘shatilgan kundan e’tiboran uch oydan kechiktirmay ishga joylashish 
masalasi yuzasidan ish beruvchiga murojaat qilgan bo‘lsa, avvalgi ish joyi 
bo‘yicha ishga joylashish huquqiga ega. 
Tashkilotning tugatilganligi sababli avvalgi ish joyi bo‘yicha ishga 
joylashish imkoni bo‘lmagan taqdirda, bo‘shatilgan harbiy xizmatchi 
(xizmatchi) mehnat organlarining yo‘llanmasiga ko‘ra bepul kasbiy ta’lim 
olish (qayta ta’lim olish, malaka oshirish) huquqiga ega. 
7-bob. Yakunlovchi qoidalar 
46-modda. Milliy gvardiyaning moliyaviy va moddiy-texnika 
ta’minoti 
Milliy gvardiyaning moliyaviy va moddiy-texnika ta’minoti, bundan 
jismoniy va yuridik shaxslar bilan tuziladigan shartnomalar asosida tashkil 
etiladigan bo‘linmalar mustasno, O‘zbekiston Respublikasi Davlat budjeti 
mablag‘lari va qonun hujjatlarida taqiqlanmagan boshqa manbalar 
hisobidan amalga oshiriladi. 
Milliy gvardiyaning jismoniy va yuridik shaxslar bilan tuzilgan 
shartnomalar asosida tashkil etilgan bo‘linmalari ushbu shaxslarning 
mablag‘lari hisobidan ta’minlanadi. 
Milliy gvardiya bo‘linmalarining moliyaviy, moddiy-texnika, kiyim-
kechak, oziq-ovqat, tibbiy ta’minoti va boshqa ta’minot turlari Milliy gvardiya 
qo‘mondoni tomonidan tasdiqlanadigan normalar hamda tabellar bo‘yicha 
amalga oshiriladi. 
Milliy gvardiyaning harbiy xizmatchilari (xodimlari) bepul formali kiyim-
bosh bilan ta’minlanadi. Formali kiyim-boshning namunalari O‘zbekiston 

---

25 
Respublikasi Prezidenti tomonidan belgilanadi. Formali kiyim-boshni kiyish 
qoidalari Milliy gvardiya tomonidan tasdiqlanadi. 
Milliy gvardiyada budjetdan tashqari jamg‘arma tashkil etiladi, uni 
shakllantirish va undan foydalanish tartibi qonun hujjatlarida belgilanadi. 
Milliy gvardiya uchun ajratiladigan mablag‘lardan maqsadli 
foydalanilishi ustidan nazorat qilish qonun hujjatlariga muvofiq amalga 
oshiriladi.