Vetinariya 2016. pmd
Yüklə 1,33 Mb. Pdf görüntüsü
|
|
Amaliy mashg‘ulot.
Yaralar bitishining birinchi bosqichida 3-5 kunda qayta bog‘lab turiladi. Yara ustidagi doka surilib ketgan yoki yiringga bulg‘angan bo‘lsa almashtiriladi. Bundan tashqari,hayvonning tana harorati ko‘tarilib,umumiy ahvoli og‘irlashsa, yaraning atrofi juda shishib ketsa ham bog‘lam tez-tez almashtirib turiladi. Yara quyidagi tartibda qayta bog‘lanadi: avval uning ustidagi doka va paxta olib tashlanadi, yara mexanik ravishda tozalanadi va uning atrofidagi teri dezinfeksiya qilinadi, yara yuzasi sterillangan tamponlar bilan quritiladi. Antiseptik dorilar qo‘yiladi va qaytadan bog‘lanadi. Yaraning ikkinchi va uchinchi bitish bosqichlarida u ochiq holida davolanadi (oyoqlarning pastki qismlaridagi yaralar bundan mustasno). Yarani davolash uchun quyidagi dorilar qo‘llaniladi: yangi operatsiyadan keyin yaraga infeksiya tushishining oldini olish uchun: 1. Rivonol eritmasi (1:1000). 2. Yodning spirtdagi eritmasi (1:1000-1:3000). 3. Oq streptotsid kukuni, oq streptotsidning spirtdagi 5 % li erit- masi, oq streptotsidning baliq moyidagi 5–10 % li emulsiyasi, penitsillin eritmasi (1,0 eritmaga– 3–5 ming TB-ta’sir birligida penitsillin), penitsillin kukuni, oq streptotsid kukuni bilan aralash- tirib (20-30 ming TB penitsillinga 1,0 streptotsid aralashtiriladi) ishlatiladi. Yiringli yaralar bitishining birinchi bosqichida yarani tozalash, infeksiyaga qarshi kurashish va granulatsiya to‘qimasining o‘si- shini tezlashtirish uchun – 3 % li vodorod peroksidi, 0,1-0,2 % li kaliy permanganat eritmasi, 1–2 % li xlorid va xloramin eritmasi, 5–10 % li osh tuzi yoki magneziya sulfat eritmasi, 1–3 % li karbon kislota eritmasi, suyuq Vishnevskiy surtmasi, Olivkov suyuqligi, 10 % li yodoformli efir, dioktaninning 1–2 % li spirtdagi eritmasi, oq streptotsidning 5 % li emulsiyasi, penitsillin mazi (1,0 surtmada 5– 10 ming TB penitsillin bo‘lishi kerak) qo‘llaniladi. Yara bitishining uchinchi bosqichida (yarani quritish va epidermasining o‘sishini tezlatish uchun) rux surtmasi, 5 % li kseroform yoki yodoform surtmasi, 10 % li yodoformli efir, 5 % li ixtiol mazidan foyda- laniladi. |