ANALİZ VƏ SİNTEZ (analysis and synthesis) – 1) Təhlil; 2) Tamın fikri və ya faktik olaraq hissələrə bölünməsindən ibarət olan elmi-tədqiqat metodu. Bu metod analitik verilişlərdə də tətbiq edilir.
ANALOGİYA (analogy) – Mahiyyətcə eyniyyət təşkil etməyən hadisələr, əşyalar, məfhumlar və s. arasında oxşarlıq, bənzərlik, uyğunluq; müxtəlif cəhətlərdən bir-biri ilə əlaqədar olan veriliş ünsürlərinin bir-birinə təsirindən meydana gələn bənzəyiş.
ANALOQ RƏQƏMLİ ÇEVİRİCİ (analog-to-digital converter)– Analoq siqnalının ani amplitud qiymətlərinə mütənasib rəqəmli kod hazırlamaq üçün elektron qurğusu.
ANAMORF KADRLI GENİŞEKRANLI FİLM (anamorphic film) – 35 mm-lik kinolentə çəkilən film. Belə filmlərin kadrları anamorfot optika vasitəsilə eninə görə sıxılmış olur.
