TRİVİAL (trivial) – Köhnəlmiş, dəyərdən düşmüş, forma və məzmunca orijinallığını, təzəliyini itirmiş.
TRYUK (trick) – Cəld, effektli üsul, fənd; mürəkkəb manevr; kino və telefilmlərdə istifadə olunan ən ifadəli sirk sənəti növlərindən biri.
TRYUK KİNOÇƏKİLİŞLƏRİ (trick shooting) – Ekranda qeyri-adi effektlərin alınmasına imkan verən üsullarla xüsusi kinoçəkilişlər. T.k.-nə əksinə kinoçəkiliş, «stop» üsulu, «qaralma», «qaralmadan», şəklin tamaşaçıya yaxınlaşdıqca böyüməsi və bəzi kombinasiyalı kinoçəkilişlər daxildir.
TUREL (turret)– Kinoda və TV-də kameraların obyektivlərinin dəyişdirilməsi üçün cihaz.
