Bakı-2012 Elbrus Şahmar «Qusar beşiyim mənim»

tik  sualım  belə  oldu:  -  Sveta  xanım,  sizə  görə  Zey­
nəddin Çələbov kimdir?
-  Zeynəddin  müəllim  özü  üçün  yaşamayan,  başqası 
üçün yanan  xeyirxah bir insan,  bacarıqlı  rəhbər  işçi,  onu 
tanıyanların  ağsaqqalı,  ailəcanlı,  qonşucanlı,  elcanlı, 
dövlət  və  dövlətçiliyə  sədaqətli  vətəndaş,  dosta  dost, 
düşmənə düşmən  olan  bir şəxsiyyət  və seçdiyi  müəllimlik 
peşəsinə sədaqətli olan bir pedaqoqdur.
Bir  vaxt  internatda  təhsil  almağım  da  Zeynəddin 
müəllimin  orada  direktor  olmasından  irəli  gəlib.  Atam 
deyərdi  ki,  nə  qədər  ki,  Zeynəddinin  yanında  oxuyub- 
yaşayırsan,  demək  səndən  nigaran  qalmayacam.  Ona 
görə  ki,  Zeynəddinin  övladlarıma  olan  rəftarı  mənən  də 
üstün və bəyəniləsidir.
İnternatda  oxuduğum  illərdə  Zeynəddin  müəllimin 
dəfələrlə şagirdlərlə birlikdə eyni qazandan çəkilən xörəyi 
yeməyinin  şahidi  olmuşam.  Onun  belə  münasibəti  biz 
şagirdlərin  ürəyindən  olardı,  onu  gözəl  müəllim  və  qay­
ğıkeş valideyn simasında  görərdik.  İnternatda  şagirdlərin
__________________________________ Qusar beşiyim mənim
291

---

Elbrus Şahmar
normal  təhsil  almaları  da,  yemək-içməkləri  də,  sağlam­
lıqlarının  qorunması  da  arzuolunan  səviyyədə  idi.  İnter­
natda şagirdlərin  pal-paltannı  tikmək və vaxtından əvvəl 
cırılıb-sökülən  paltarların  yararlı  hala  salınması  üçün 
dərzilər də fəaliyyət göstərirdi.  Bir çox şagirdlər evlərində 
görmədiyi  qayğı  və  təminatı  internatda  görürdü,  ona 
görə  də  onlardan  neçəsi  istirahət  günlərində  də  evlərinə 
getmək  həvəsində  olmazdı.  Belə halın  özü  bir daha  Zey­
nəddin  müəllimin  halallığından,  uşaqlara,  ümumən  in­
sanlara  olan  doğma  və  səmimi  münasibətindən  irəli 
gəlirdi.
Mən  sonralar da  təhsilimi  bir daha  Zeynəddin  müəl­
limin  köməkliyi  və  qayğısı  ilə  davam  etdirmişəm.  Ya­
dımdadır,  bir dəfə  xəstələndim, özü məni  Bakıya aparıb, 
müalicə  elətdirdi,  şəfa  tapmağım  üçün  xeyli  xərc  çəkdi. 
Dəfələrlə  mənə  xərclik  verdiyi,  yaşadığım  ünvana  pay 
göndərdiyi  vaxtlar  olub.  Toyum  da  onun  xeyir-duası  ilə 
başlayıb.
Mən, ömrüm  boyu Zeynəddin müəllimin  mənə etdiyi 
yaxşılıqları  unuda  bilmərəm.  Axı,  onları  unutmaq  ən 
böyük nankorluq olardı. Allah bizləri ondan saxlasın.