Baki – 2020 Mövzu Yumurta

Rulon materiallarının keyfiyyət şərtləri. Bütün rulon örtük materialları sortlara bölünmür. Bunların keyfiyyəti Dövlət Standartlarına (QOST) əsasən müəyyənləşdirilir. Burada materialın həm fiziki-mexaniki göstəricilərinin, həm də zahiri görünüşünün standartdakı normalara müvafiq olub- olmadığı yoxlanılır.

Rulon örtük materiallarının ən mühüm fiziki –mexaniki göstəriciləri rulonun çəkisindən, üzülmə davamından, elastikliyindən, hopdurulmuş, yaxud sürtülmüş örtük kütləsinin yumşalma temperaturundan və su keçirmə qabiliyyətindən ibarətdir. Həmin göstəricilər laboratoriyada yoxlanılır.

Zahiri görünüş üzrə rulon örtük materialları aşağıdakı əsas şərtlərə müvafiq olmalıdır:

1. 
   Materialın polotnosu en cəhətcə standarta müvafiq gəlməli, bunda çat, deşik, cırıq və qırış olmamalıdır;
   
2. 
   Polotnonun kənarlarında yırtıq yerlər rast gəlməməli və polotnonun qatları bir- birinə yapışmamalıdır;
   
3. 
   Polotnonun içi qara, yaxud qəhvəyi, tol isə göyümtül olmalı, kartonda açıq rənglihopdurulmamış yerlər qalmamalı və kənar qatışıqlar rast gəlməməlidir;
   
4. 
   Örtü qatı və səpki materialın səthini başdan-başa və bərabər surətdə örtməli;
   
5. 
   Axçalı və iri dənəvər səpkili materialın üz tərəfdən kənarında 70-100 mm enində səpkisiz zolaq qalmalıdır;
   
6. 
   Bir rulonda iki tikədən artıq olmamalı, ən xırda tikənin uzunluğu azı 5 m, yaxud 3 m təşkil etməli, tikələrdən ibarət rulon bir qrup malda 5%-dən çox olmamalıdır.