Kağızın hamarlılığı - xarici səthinin arayışlandırılması dərəcəsi ilə təyin edilir. Kağızınsəthi nə qədər çox və dəqiq ütülənmiş olarsa, onun səthi bir o qədər hamar olur və üzərində boyaq gğzəl oturur, çap yazıları yaxşı düşür. Bundan əlavə, belə kağızlar üzərində yazarkən peronun ucu kağıza ilişmir və asanlıqla hərəkət edə bilir. Bu göstəricilər hər şeydən əvvəl onun lif tərkibinin eyni olmasından , maşının keyfiyyətindən, arayışlandırma prosesinin dəqiqliyi və keyfiyyətindən çox asılıdır.
Şəffaflıq - kağız və kartonların astar tərəfinə çəkilmiş işarə və şəkillərin görünməsi dərəcəsini xarakterizə edir. Kağız nə qədər nazik və şəffaf olarsa, o xətt , işarə və s. kimi çertyoj işarələrini yaxşı keçirə bilər. Bu əlamət kalka kağızlarına daha çox xasdır. Şəffaflığı obyektiv olaraq, fotoelektrik cihazların iştirakı ilə təyin edirlər. Belə ki, şəffaf köçürtmə kağızlarının şəffaflığı 58%-dən az olmamalı, şəffaf çertyoj kağızlarınınkı isə növlərindən asılı olaraq 48 və 57% olmalıdır.
