Bank va kasbiy faoliyat asoslari” fanidan O‘quv-uslubiy majmua

Nazorat uchun savollar

1. 
   O’zbekiston Respublikasi ta’lim tizimi va uning o’ziga xos xususiyatlari.
   
2. 
   Kadrlar tayyorlash milliy dasturi va “Ta’lim to’g’risida”gi Qonunda mutaxassislar tayyorlashga qo’yiladigan talablar.
   
3. 
   Kadrlar tayyorlash milliy modeli va uning tarkibiy qismlari.
   
4. 
   Shaxs va uning vazifalari qanday?
   
5. 
   Bank tizimi va fanning ahamiyati.
   

3-MAVZU. BANK XODIMINING KASB ODOB-AHLOQI KODEKSI VA UNING MAZMUN MOHIYATI.


1.Bank xodimining kasb odob-ahloqi kodeksi va uning mazmun mohiyati.
2.Bankning o’z aktsiyadorlari oldidagi majburiyati. banklararo hamkorlik bo’yicha asosiy majburiyatlar.
3. Banklar mijozlar bilan munosabatlarni o’rnatish. banklarning o’z xodimlari oldidagi majburiyatlari.
4. Korporativ xulq odobi qoidalari. Bank xodimlarining mas’uliyati.


1.Bank xodimining kasb odob-ahloqi kodeksi va uning mazmun mohiyati.

Bank xodimining kasb odob-ahloqi Kodeksi O’zbekiston Respublikasi bank hamjamiyatida ish yuzasidan o’zaro hamkorlikni mustahkamlash va haqqoniy raqobat uchun sharoitlarni yaratish maqsadlarida ishlab chiqilgan.

Kodeks banklarning barcha xodimlari rioya etadigan odob-ahloqning asosiy etik me’yorlarini belgilab beradi.
Ushbu Kodeks bandlarini bajarilishi, banklar va boshqa tashkilotlar, ularning mansabdor shaxslari va xodimlari tomonidan bank mijozlariga, shu jumladan kichik biznes va xususiy tadbirkorlik sub’ektlariga xizmat ko’rsatishda ishbilarmonlik va kasb odob-ahloqiga rioya etishlari, ularning kasbiy mahorati, shuningdek ular faoliyatining O’zbekiston Respublikasi qonunchiligiga, hamda umumqabul qilingan odob-ahloq me’yorlariga muvofiqligining qo’shimcha isboti, garovi va ishonchliligi bo’lib xizmat qiladi.
O’zbekiston Respublikasi banklari o’zining professional faoliyatini quyidagi tamoyillar asosida olib boradi:

• 
  O’zbekiston Respublikasi Konstitutsiyasi, O’zbekiston Respublikasi qonunchiligi, kasb odob-ahloqi me’yorlari va ananalarga so’zsiz rioya qilish;
  
• 
  jamiyat va davlat oldidagi o’zining fuqarolik va professional burchlarini anglash, amaldagi qonunchilik me’yorlariga asoslangan davlat organlarining talablarini o’z vaqtida va to’liq bajarish;
  
• 
  bank biznesi sohasiga jalb qilingan bank mijozlari, shu jumladan kichik biznes va xususiy tadbirkorlik sub’ektlarining huquq va qonuniy manfaatlarini hurmat qilish;
  
• 
  tijorat banklarining huquq va qonuniy manfaatlarini himoya qilishda banklararo hamkorlikni va o’zaro munosabatlarni mustahkamlash;
  
• 
  o’ziga olingan majburiyatlarga rioya qilish va yuqori saviyali va sifatli xizmat ko’rsatilishini ta’minlash;
  
• 
  bank operatsiyalarini amalga oshirishda risk darajasini hisobga olish va cheklash;
  
• 
  haqqoniy raqobatchilikni rivojlantirish, bank faoliyatining noinsof qatnashchilariga nisbatan faol qarshi kurashish;
  
• 
  jinoiy faoliyatdan olingan daromadlarni legallashtirishga va boshqa noqonuniy harakatlarga qarshi kurashishda faol ishtirok etish;
  
• 
  o’zaro hurmat, hamfikrlik va o’zaro yordam berish asosida xalqaro professional aloqalarni o’rnatish va rivojlantirish;
  
• 
  korporativ boshqaruv, shuningdek bank xizmatlarini ko’rsatishda halollik yuzasidan ichki va o’zaro nazoratni o’rnatish;
  
• 
  o’z ish faoliyatining sifati va natijalari bo’yicha javobgarlikning to’laqonliligi.