Batch yo‘nalishi uchun sotsiologiya fanidan

O‘ZBEKISTON RESPUBLIKASI OLIY VA O‘RTA MAXSUS
TA’LIM VAZIRLIGI
NAMANGAN DAVLAT UNIVERSITETI

“Demokratik jamiyat qurish nazariyasi va amaliyoti, falsafa” kafedrasi

Bilim sohasi: - 100 000 - Ta’lim


­­­­­­ Ta’lim sohasi: - 140 000 – O‘qituvchilar tayyorlash va pedagogika


Bakalavriat yo‘nalishi: barcha yo‘nalishi uchun

“SOTSIOLOGIYA” FANIDAN

GLOSSARIY


SOTSIOLOGIK ATAMALAR
AVTORITARIZM (lot.autoritas-hokimiyat) boshqaruvning tazyiiqiy uslublar bilan ifodalanuvchi davlat tizimi.
ADAPTATSIYA (lot. adaptatio - moslashtirish) - insonning yanga faoliyat sharoitlariga, ma’lum bir ijtimoiy guruhlardagi munosabatlar tizimiga moslashuvi.
ANKETA (fr. enquete)- o‘z mazmun va shakliga ko‘ra tartiblangan savollar va mulohazalar bayon qilingan so‘rov varaqasi.
ANKETA SO‘ROVI - sotsiologik tadqiqotlarda qo‘llaniladigan so‘rovlarning asosiy xilidan biri.
AN’ANALAR - uzoq vaqt davomida avloddan avlodga o‘tkazib beriladigan va ma’lum jamiyatlarda, ijtimoiy guruhlarda saqlanib boradigan ijtimoiy va madaniy meros elemeniari.
ASOTSIAL XULQ (yunoncha - inkor va socialis - ijtimoiy)-alohida olingan shaxs yoki odamlarning ijtimoiy-salbiy sabablar asosida yuzaga keladigan ijtimoiy hayoti shakli bo‘lib, bundai hatti-harakat boshqa shaxs, ijtimoiy guruh va hatto jamiyatga noqulayliklar yoki zarar etkazishi mumkin (masalan, ichkilikbozlik yoki jinoyatchilik).
ATRIBUTSIYA (lot. attributum - berilgan) - ijtimoiy ob’ektlarga (inson, guruh, ijtimoiy birliklar) xos bo‘lgan lekin ko‘z ilg‘amaydigan xususiyatlar.
AXBOROTNI KODLASHTIRISH - 1) empirik ma’lumotlarni zarur talablar asosida qayga ishlash va tahlil qilishga tayyorlash bo‘yicha chora-tadbirlar yig‘indisi; 2)sotsiologik ma’lumotlarni qayta ishlash bosqichining birinchi davri (fazasi).
AXLOQIY-MA’NAVIY ME’YOR - to‘g‘ri yoki noto‘g‘ri xulq-atvor va hatti-harakat haqidagi g‘oyalar va qarashlar tizimi bo‘lib, u bir xil harakatlarni bajarishni talab etadi va boshqalarini taqiqlaydi.
AHLOQ - u yoki bu ijtimoiy guruhlar va jamiyatdaga ijtimoii munosabatlarni nazorat qilish va tartibga solish vazifasini bajaruvchi ijtimoiy institut, me’yorlar, baholar, xulq-atvor namunalari tizimi.
BANDLIK (aholining bandligi) - aholining ijtimoiy ishlab chiqarishga jalb etilganligini ifodaluvchi ijtimoiy-iqtisodiy kategoriya.
BASHORAT (prognoz) - ma’lum bir dalillarga asoslangan holda biror-bir jarayon rivojlanishi yo‘nalishlarini oldindan ilmiy tarzda ko‘ra bilish. . .
BEGONALASHUV - odamlar, ijtimoiy guruhlarning bir-biri bilan yonma-yon yashashlariga qaramay, ularning munosabatlaridagi azaliy birlikning buzilishi va unga olib keladigan jarayon.
BIRLAMCHI GURUH - asosan individning birlamchi ijgimoilaashuvi jarayonini va uning boshqa guruhlarga tortshshshini ta’minlovchi kichik guruhning (oila, o‘smirlar guruhi).
BOSHQARUV-tashkilotning maxsus organining funksiyasi bo‘lib eng kam vositalar (vaqt, kuch, zahiralar) sarflab eng yuqori natijaga erishish bo‘yicha aniq tashkil etilgan faoliyatdir.
BYUROKRATIYA - to‘rachilik, o‘z faoliyatiga ko‘ra rollarning pog‘onali tarzdaga (yuqoridan quyiga) tartibiga va qatiy qoida-marosimlarga asoslanuvchi boshqaruvning ko‘rinishi.
BO‘SH VAQT - inson, ijtimoiy guruh va umuman jamiyatda zaruriy ravishda sarflanadigan vaqt zaxiralaridan ortib qoladigan, ya’ni ish vaqtidan tashqaridagi vaqt qismi.
VERBAL XUJJATLAR TAHLILI - hujjat manbalaridan axborot olish uslubi.
VERIFIKATSIYA (lot. uegiv - xaqqoniy va Gasyu - qilmoq) -ilmiy xulosalarning haqqoniyligini empirik tekshirish orqali o‘rnatish jarayonini ifodalovchi metodoloshk tushuncha. Verifikatsiya fanning nazariy xulosalarini kuzatilayotgan ob’ekt, tadqiqot bilan taqqoslash orqali tekshirib kurish, tajribada tasdiqlash bilan ifodalanadi.
GIPOTEZA - ilmiy taxmin, bashorat. Sotsiologik tadqikotlar o‘tkazishdan oldin bo‘lajak natijalaroni qanday bo‘lishini empirik tekshirish uchun qilinuvchi ilmiy taxmin.
GURUHIY BIRDAMLIK - shaxslararo aloqalarning guruh hayotiy faoliyatining vorisiyligini va barqarorligini ta’minlashga xizmat qiluvchi mustahkamligi.
GURUHIY MUTANOSIBLIK - guruh hamjixatliganing ijtimoiy-ruhiy ko‘rsatgichi bo‘lib, unda guruh a’zolarining o‘zaro nizolarsiz muomala qilishi va muvofiqlik imkoniyatlari aks etadi.
GURUH ME’YORLARI - xar bir guruh joriy etgan amaldagi tartib-qoida va talablar majmui bo‘lib, u guruh a’zolari xatgi-harakatlarini tashkil etishda, ularning o‘zaro munosabatlari, harakatlari va muomalasida muhim ahamiyat kasb etadi.
GURUH TUZILMASI - o‘zaro faoliyat qatnashchilarining mustahkam ravishda qaytadan vujudga kelishining tartiblangan tizimi.
DALA TADQIQOTI - 1) tor ma’noda: joylardagi (uyda, korxonalarda va h.k) o‘tkaziladigan tadqiqot; 2) keng ma’noda -tadqiqot ob’ektini tabiiy «dala» sharoitlarida, uning kundalik hayotini ijtimoiy miqyosda o‘rganish.
DEVIANT HULQ-ATVOR (lot. deviatio - og‘ish) - ijtimoiy normativlar va me’yorlardan og‘ib ketuvchi hatgi-harakat.
DEMOGRAFIYA - (grekcha demos - xalq hamda grapho yozaman: xalq haqidagi yozuvlar), - aholishunoslik to‘g‘risidagi fan. Demografiya aholining barcha tabaqa va guruhlarini son va sifat jihatidan o‘rganadi. Bu erda asosan tug‘ilish, o‘lim, nikoh, ajrim, migratsiya jarayonlari hamda ularga ta’sir qiluvchi omillar o‘rganiladi.
DIADA - ikki kishidan iborat guruh.
ETAKCHI (ingl. leader-boshlovchi, rahbar) guruhning xal qiluvchi vaziyatlarda uning uchun mas’uliyatli qarorlar qabul qilish huquqini tan olgan a’zosi; biror bir jamoada katta obro‘ e’tibor va ta’sirga ega bo‘lgan shaxs; siyosiy partiya. jamoat tashkiloti va x.k. ning boshlig‘i, rahbari.
ETAKCHILIK –individning hatti-harakatining guruh etakchisi roliga mos keluvchi qobiliyatlari, sifatlarning namoyon bo‘lishi. Etakchi xili esa ijtimoiy tuzum tabiati guruh xususiyati va muayyan tarixiy vaziyatga bog‘liq.
YOSHLAR ijtimoiy yetuklik, katta hayotga kirib borish va unga moslashib borish kabi xususiyatlarga ega bo‘lgan jamiyatning ijtimoiy demografik guruhi.
JAMIYAT –insonlarning barcha o‘zaro harakatlari uslublari va bir-biridan xar tomonlama bog‘likligi ifodalanadigan birlashmalarning yig‘indisi.
JAMOA –umumiy doimiy yashash joyiga ega bo‘lgan kundalik hayotlarida bir-biriga bog‘liq bo‘lgan va umumiy iqtisodiy hamda ijtimoiy extiyojlarni qondirish uchun faoliyat ko‘rsatuvchi insonlar majmuasi.
ZARDUSHTIYLIK- xorazmda eramizdan avvalgi VII asrda paydo bo‘lgan yakka xudolikka asoslangan din.
IERARXIYA (yunon. hieros - mukaddas va arche - hokimiyat) ma’lum bir yaxliitlik qismlari yoki elementlarining yuqoridan quyiga qarab joylashish tartibi. Sotsiologiyada bu tushuncha jamiyatning ijtimoiy tuzilmasini, ayniqsa byurokratiyani belgilashda ko‘llaniladi.
INDETERMINIZM-(lot. in inkorni ifodolovchi sifatdosh va determinizm) - tabiiy va ijgimoiy hodisalarning sababli aloqadorligini inkor etuvchi falsafiy ta’limot.
INDIVID (lot. individuum - takrorlanmas) - odamzodning vakili, o‘ziga xos takrorlanmas xususiyatlar egasi hisoblanmish odam.
INDIKATOR (lot. indicator - ko‘rsatkich) - ob’ektning o‘rgansa va o‘lchasa bo‘ladigan xususiyati.
INNOVATSIYA - ijtimoiy amaliyotda sezilarli o‘zgarishlar tug‘diradigan turli xil yangiliklar yaratish va tadbiq etish.
INTERVYU (ingl. interview) - sotsiologik tadqiqotda qo‘llaniladigan uslub - maqsadli suhbat.
KATTA GURUH - katta miqdordagi a’zolarga ega bo‘lgan, turli aloqalar xillariga ega bo‘lgan ijtimoiy guruh.
KONTENT-TAHLIL - sotsiologik axborot mazmunini xujjatlar asosida miqdoriy va sifat jihatida o‘rganish uslubi.
KORRELYASIYALI TAHLIL-o‘rganilayotgan ob’ektlar belgilari orasidagi statistik aloqalarni o‘rganishda qo‘llaniladitan matematik tartib-qoidalar.
LATENTLIK (lot. lateens yashirin₎ ko‘zga tashlanmaydigan, yashirin jarayon (masalan, sud statistikasida va amaliyotida qayd qilinmagan yashirin jinoyatchilik)
LEGITIMLASHTIRISH (lot. legitimus –qonuniy) biror bir qonun, vakolatning qonuniyligini tan olish yoki tasdiqlash. Legitimlashtirish biror bir ijtimoiy muassasaning qonuniy kuchga ega bo‘lishida ifodalanadi.
MADANIYAT (lot.kultura - qayta ishlash) - inson jamiyati yaratgan va jamiyat rivojining ma’lum darajasini ifodalovchi moddiy va ma’naviy mahsulotlar, qadriyatlar majmui
MAKROSOTSIOLOGIYA (yunon. makros - uzun, katta sotsiologaya) - katga ijtimoiy guruhlar va tizimlarni (masalan, jamiyat, sivilizatsiya va h.k.) jarayonlarni harakatlarni va hodisalarni, shuningdek guruhlarni o‘rganishga qaratilgan tadqiqot yo‘nalishi.
MARGINAL SHAXS - (fr. marginal - chekka, chegara) -ijtimoiy jihatdan normal holatda bo‘lmagan shaxs. Bunday shaxs ikki va undan ko‘p madaniy tizimlar o‘rtasidagi chegarada oraliq holatini egallaydi, qisman har biriga singgan bo‘ladi, ammo xech biriga to‘liq mansub bo‘lmaydi.
MATRITSA (lot. matrix - bachadon) - sotsiologiyada: jadval (matritsa) ko‘rinishidagi modellar yordamida ijtimoii tuzilmalarni qayd etish.
MENTALITET (lot. mens - aql, tafakkur) - individ yoki ijtimoiy guruhning, millatning o‘ziga xos tafakkur tarzi, voqelikni ma’lum bir tarzda tushunishi va birgaliqda harakat qilishga tayyorligi va moyilligi.
MIGRATSIYA (lot. migratio - ko‘chib o‘tish) - individlar yoki ijtimoiy guruhlarning doimiy yashash joylarini o‘zgartirish jarayoni bo‘lib, u boshqa jo‘g‘rofiy hudud yoki mamlakatga ko‘chib o‘tishda ifodalanadi.
MIKROSOTSIOLOGIYA (yunon. micros - kichkina va sotsiologiya) - sotsiologiyada nisbatan katta bo‘lmagan ijtimoiy tizimlardagi ijtimoiy xodisalar va jarayonlarni taxlil qilishga qaratilgan, alohida olingan hodisalarning mikrodarajadagi jarayonlar bilan aloqasini empirik tasvirlash bilan chegaralanadigan yo‘nalish.
MITRAIZM - xudo Mitraga sajda qilish bilan bog‘liq bo‘lgan din. Eramizdan oldingi so‘nggi asrlarda Eronda paydo bo‘lib Rim imperiyasi va old Osiyoda tarqalgan.
NARKOMANIYA- (yunon. narke-karaxtlik, mania-extiros) narkotik moddalarning iste’mol qilish natijasida shaxsning ruxiy va ijtimoiy voyaga etishning senilashuvi va undan kelib chiqadigan muammolar.
SOTSIAL JARAYON - individ, ijtimoiy institutlar guruhlarning ijtimoiy holati yoki turmush tarzining o‘zgarishi yo‘nalishini ifodalovchi barqaror harakatlar o‘zgarishlar, hatti-harakatlari holatlarining majmuasi.
SOTSIAL INFRASTRUKTURA (lot. infra - tagida va structura - tuzilma) - ijtimoiy hayotning barcha sohalarida shu jumladan ijtimoiy-maishiy sohada inson hayoti va faoliyatini oqilona tashkil etishni ta’minlovchi moddiy elementlarning mustahkam majmuasi.
SOTSIAL INSTITUT - (intstitut - lat. institutum -kurilma) - g‘arb sotsiologiyasida, ayniqsa strukturaviy funksionalizmda ko‘p ishlatiladigan tushuncha. Sotsial institut inson faoliyatini boshqaruvchi va sotsial tizim yasovchi rollar va statuslar tizimini yaratuvchi turli rasmiy va norasmiy qoidalar, tomoyillar, me’yorlar, qurilmalarning, qatii majmuini anglatadi. Sotsial institut sotsial guruh sotsial tashkilotlardan farq qiladi.
SOTSIALIZATSIYA (IJTIMOIYLASHUV) - individ tomonidan mavjud ijtimoiy me’yorlar, qadriyatlar va bilimlar tizimini o‘zlashtirish jarayoni.
SOTSIAL MAQOM (STATUS) (lot. status - holat) individning ijtimoiy munosabatlar tizimidagi holati ahvoli.
SOTSIAL MOSLASHUV (ADAPTATSIYA) - shaxs yoki guruhning ijtimoiy muhit bilan o‘zaro munosabati turi ijtimoiy moslashuv individ yoki guruhning o‘zi uchun yangi bo‘lgan ijtimoiy muhitni o‘zlashtirish jarayonida namoyon bo‘ladi.
SOTSIAL NAZORAT - jamiyatning sog‘lom ijtimoiy tartibni ta’minlash maqsadida individ hatti-harakati va xulq-atvoriga maqsadli ta’siri.
SOTSIAL XIZMAT - korxona, muassasa va tashkilotning xizmatchilar va ishchilar faoliyatini qo‘llab-quvvatlash orqati mehnat jamoasini boshqarish sohasi.
SO‘ROV - fransuz tilidan olingan bo‘lib, biron bir narsani aniqlash degan ma’noni anglatadi. Sotsiologiyada so‘rash usullari muayyan aholi guruhlariga savollar vositasida murojaat qilish orqali birlamchi ma’lumotlarni to‘plash ma’nosini anglatadi. So‘rash usullarining yozma (anketa), og‘zaki (intervyu) hamda sirtdan (pochta, telefon va matbuot orqali) ma’lumotlar to‘plash shakllari mavjud.
SOTSIOMETRIYA - kichik guruhlar, jamoalar va tashkilotlardagi shaxslararo munosabatlar tizimini mahsus o‘rganish usulidir.
STATISTIKA - ijtimoiy voqea va xodisalarning miqdoriy jihatlarini mahsus o‘rganuvchi fan.
STATUS - 1. Muayyan tizim, targ‘ibot, hamda ierarxiyaning holati, darajasi va mavqei. 2. Biror shaxs, davlat organi yoki xalqaro tashkilotning ijtimoiy mavqeini ifodalovchi burch va majburiyatlar majmui.
STRATIFIKATSIYA - jamiyatning tuzilmasi va alohida qatlamlarini, ijtimoiy tabaqalanish belgilari tizimini, ifodalovchi sotsiologik tushuncha.
SO‘ROV - sotsiologik, psixologik, demografik va boshqa tadqiqotlarda qo‘llanladigan birlamchi verbal (og‘zaki) axborot yig‘ash uslubi.
SO‘FIYLIK - islomdagi diniy falsafiy oqim. 8-4-asrlarga paydo bo‘lgan va Arab xalifaligida tarqalgan. So‘fiylik yagona Ollohni tash olishni va unga intilishni, faqat unga muhabbatni targ‘ib qiladi hamda qolgan barcha narsalarni Ollohning aksi yoki sifatlari deb xisoblaydilar. Imom G‘azzoliy asos solgan sufizm, keyinchalik turli tariqatlarga bo‘linib ketdi. Kubroviya, YAssaviya hamda eng ko‘p tarqalgan Naqshbandiya tariqatlari Markaziy Osiyoda paydo bo‘lgan.
TANLASH - 1) sotsiologik tadqiqotning bevosita o‘rganilishi kerak bo‘lgan ob’ekti elementlarining majmuasi; 2) ob’ekt elementlarini, ommaviy sotsiologik tadqiqotlarda qo‘llaniladigan kuzatuv va o‘rganish birliklarini saralab olish uslublari, usullari va tartib-qoidalarining majmuasi.
TANLASH (JARAYON SIFATIDA) – tadqiqotning butun bir ob’ektini (mamlakatning butun axolisi, barcha oilalar, maktablar) tashkil qiluvchi ko‘pgina birliklardan (odamlar, oilalar va h.k.) ma’lum bir birliklar sonini tanlab olish.
TARBIYA - jamiyatda amal qilayotgan me’yorlarga mos ravishda shaxsni maqsadli tizmiy shakllantirish jarayoni.
URBANIZATSIYA-(lot.urbanis-shahar) jamiyat rivojida shaharlar mavqei va rolining oshib ketish jarayoni.
EKSPERT BAHOLASH TARTIBI-so‘rov o‘tkazilayotgan soha bo‘yicha ekspert so‘rovi o‘tkazish va soha mutaxasislari fikrini olish yo‘li bilan sotsiologik axborot olish uslubi.