III bob. Orzu, maqsad va muvaffaqiyat 96 @edurtm_uz
Amaliy faoliyat Mustaqil faoliyat Savol va topshiriqlar So‘zlash – bilimli kishining odati. Tinglash – dono kishining fazilati.
Sharq hikmati Dono kishi tinglab nima topadi? Insonning eng katta ehtiyoji – tushunish va tushunarli bo‘lishdir. Buning
uchun tinglay bilish kerak.
Konfutsiy Qanday qilib «tushunarli bo‘lish» mumkin? Tinglang va chizing. O‘qituvchingiz o‘qiyotgan hikoyani diqqat bilan tinglang. Tinglash
jarayonida hikoyadagi biror detalni yoki syujetni tasvirlashga harakat
qiling.
Quyidagi matnni o‘qing va savollarga javob bering. Inson fe’l-atvorining muvozanati «Aytinglar-chi, jahli chiqqan odamlarning aksariyati nega baqiroq bo‘lib
qoladi?» – so‘radi ustoz o‘quvchilaridan. Savol yuzasidan ko‘plab javoblar
yangradi: «Jahl chiqsa, aql ketadi», «O‘zimizni nazorat qilolmaymiz», «Bizni
yaxshi eshitishlari uchun».
«Lekin yonimizdagi odamga baqirishning nima hojati bor?» – yana
o‘quvchilarga yuzlandi ustoz. Hamma o‘yga toldi.
Sinf sukutga cho‘mgan, o‘quvchilarning diqqati ustozda edi.
«Xo‘sh, aytinglar-chi, yaqin do‘stlar baqirib gaplashadilarmi? Yo‘q!»
«Siz ota-onangiz, yaqin insonlaringiz bilan past tovushda suhbatlash-
sangiz ham, bir-biringizni yaxshi eshitasiz va tushunasiz. Qalbi yaqin
odamlar bir-birlarini nigohlaridan tushunadilar. Insonlarning qalblari
uzoqlashib ketmasligi uchun mehr-oqibatga muhtoj. Mehr – inson fe’l-
atvorining muvozanatidir», – xulosa yasadi o‘qituvchi.
1. Odamlar bir-birlariga muloyim muomalada bo‘lishlari uchun nima
zarur?
2. Insonlarning qalblari bir-biridan uzoqlashib ketishiga nima sabab
bo‘ladi?
3. Sizga kimdir baqirib gapirsa, qanday yo‘l tutishingiz kerak?
