Satışın stimullaşdırılması vəzifələrinin müəyyənləşdirilməsi – satışın stimullaşdırılması vəzifələri əmtəə marketinqinin vəzifələrindən irəli gəlir. Stimullaşdırmanın konkret vəzifələri məqsədli bazarın tipindən asılı olaraq müxtəlifdir. Stimullaşdırmanın vəzifələri içərisində - əmtəədən daha intensiv istifadənin onu daha böyük bükülülərdə alınmasının mükafatlandırılmasını, əmtəədən istifadə etməyənləri onu sınaqdan keçirməyə, rəqib markaların alıcılarını onu almağa sövq etmək vardır. Pərakəndə tacirlər barəsində bu – onları yeni əmtəəni öz çeşidinə daxil etdiklərinə, əmtəə və onunla əlaqədar məmulatların ehtiyatlarının saxlanmasına görə mükafatlandırılması, rəqiblərin stimullaşdırma tədbirlərini pozmaq, pərakəndə tacirlərdə markaya qarşı yaxşı münasibət yaratmaq, öz əmtəəsi ilə pərakəndə satış nöqtələrinə müdaxilə etməkdir. Öz satıcılarına gəldikdə isə , bu – yeni əmtəəni və ya yeni modeli müdafiəyə görə mükafatlandırma, onları daha çox müştəri ilə görüş keçirməyə, mövsümdən kənar satışların səviyyəsini yüksəltmək səylərinə həvəsləndirməkdir.
