Bazar iqtisadi sistemi şəraitində əmtəə- pul münasibətlərinə, dəyər qanununa, bazarın roluna, vəzifələrinə və s məsələlərə olan münasibətlər əsaslı surətdə dəyişir, yeniləşir və bu dəyər kateqoriyaları nəhayət ki

Mövzu 8 : Marketinqdə rəqabət, rəqiblər və rəqabətqabiliyyətlilik.

Plan:
1. Bazar iqtisadiyyatı şəraitində rəqabətin və rəqabət mübarizəsinin iqtisadi mahiyyəti və məzmunu.

2. Dəyişən bazar iqtisadiyyatı şəraitində rəqabətin əsas formaları və metodları.

3. Rəqiblər və onların rəqabət mübarizələrinin marketinq araşdırmaları sistemi.
Rəqabət (latınca concurrere – toqquşmaq) öz məh­su­l­larını satmaq üçün ən əlverişli imkanların təmin edil­­məsi, alıcı tələblərinin ödənilməsi və ən yüksək mən­fəətin alınması məqsədilə bazarda çıxış edən müəssi­sə­lər ara­­sında qarşılıqlı əlaqə, qarşılıqlı fəaliyyət və mü­ba­ri­zə­nin iqtisadi prosesidir.

Bazar münasibətləri şəraitində rəqabət milli iqtisa­diy­yatın və insanların fəaliyyətlərinin bütün sahələrini əha­tə edərək qaçılmaz xarakter alır. Rəqabətin bu cür ol­ma­sı üçün insan azadlıqları elan edilib dövlət orqanları tərəfindən təmin edilir, iqtisadiyyat siyasətdən ayrılır və iq­tisadi maraqlar daxili və xarici siyasətin əsasını təşkil edir, din dövlətdən ayrılır, xüsusi qanunlar paketi qəbul edilir və s.