Növ xarakterli rəqabət (və ya oxşar məhsulların rəqabəti). Bu növ rəqabət ondan irəli gəlir ki, hətta eyni təyinatlı, biri-birinə olduqca çox oxşar olan məhsullar texniki-texnoloji parametrlərinə, hazırlandığı materialların mənşəyindən, saflığından və s. asılı olaraq alıcılar (istehlakçılar) tərəfindən müxtəlif mövqelərə (səviyyələr və növlərə) ayıraraq dəyərləndirirlər. Məsələn, zahirən biri-birindən çətin fərqləndirilən xalis göndən və gönün əvəzedicisi olan dermantindən hazırlanmış kişi və qadın üst paltarları, mühərriklərinin gücü, sürət ötürücüləri və s. texniki cəhətdən eyni olmayan avtomaşınlar.
