FƏSİL 3. Turizm destinasiyasının brendləşməsi: İçərişəhər timsalında 3.1. İçərişəhər haqqında ümumi məlumat İçərişəhər Bakı şəhərində, Xəzər dənizinin sahilində, hündür olmayan təpə
üzərindədir. O, qala divarları vsitəsilə əhatə olunub. Bu qala divarlarının yüksəkliyi 8-
10m, eni isə 3,5m-dir [1,səh 2].
İçərişəhər Azərbaycan xalqının mədəniyyət irsinin incisidir. 2000-ci ilin
dekabrında İçərişəhər Şirvanşahlar Sarayı Kompleksi və Qız Qalası ilə birlikdə
UNESKO-nun Mədəni İrsi siyahısına daxil edilmişdir. Artıq İçərişəhər təkcə
Azərbaycan xalqının deyil, ümumbəşəri mədəniyyət irsinin unikal incisidir. 22
hektarlıq ərazisini əhatə edən İçərişəhərdə 32 tarixi-memarlıq abidəsi vardır ki,
bunlardan 4-ü dünya əhəmiyyətli, 28-i isə ölkə əhəmiyyətlidir. Eyni zamanda,
İçərişəhər özünün infrastrukturu və 1300 ailə birliyinin yaşadığı yaşayış mənzilləri
olan canlı orqanizmdir. Bir sözlə o, şəhər içərisində şəhərdir. İçərişəhər hər bir
azərbaycan övladının fəxri, qürur duyduğu bir məkandır. Öz adını İçərişəhər XX əsr
iqtisadi inkişaf prosesindən sonra almışdır. Neft sənayesinin inkişafından bir çox sonra
Şəhər inkişaf etmiş və Qala divarlarından kənara çıxmışdır. Bayır şəhərin yaranması
nəticəsində İçərişəhər məfhumu əmələ gəlmişdir [1,səh 4].
3.1.1. İçərişəhər tarixi, mədəniyyəti İçərişəhərin hələ qədim zamanlardan insan məskəni olduğunu isbat edən bir çox
sübutlar var. Şirvanşahlar Sarayının ərazisində, Qız Qalasının yaxınlığında dairəvi və
düzbucaq formalı, çeşidli çuxurlar aşkara çıxarılmışdı. Bu çuxurlardan qurban
ayinlərində heyvanların qanını toplamaq səbəbilə istifadə edirdilər. Alimlər bu
çuxurları eramızdan öncə V - III minilliyə aid edirlər. Maraqlıdır ki, tanınmış Norveçli
52
etnoqrafı və səyyahı Tur Heyardal bildirirdi ki, Bakı və onun ətrafyanı əraziləri dünya
sivilizasiyasının yarandığı ilk mərkəzlərdən biridir [1,səh 5].
