Jild: 02 | Nashr: 05 | Iyun 2021 108 “BILIG – ILMIY FAOLIYAT” nashri http://bilig.academiascience.or vizual ravishda kuzatib bo‘lmaydigan ayrim jarayonlar yoki hodisalar mavjud,
masalan, tirik organizmlarning ko‘rish qobilyatini o‘rganish. Bunday holda,
kompyuter simulyatsialari namoyishlari bebahodir, chunki ular ko‘z ichida roy
beradigan optik jarayonlarni kuzatish va shu bilan birga haqiqatga mos keladigan
natijalarni olish va xulosalar chiqarish imkonini beradi. Fizikani o‘qitishda
an’anaviy laboratoriya bilan bir qatorda avtomatlashtirilgan tizim sifatida virtual
tajribalardan foydalanish, mexanika, elektr, optika, qattiq jismlar fizikasi, atom va
yadro fizikasi kabi bo‘limlarni o‘qitishda keng foydalanish maqsadga muvofiqdir.
Maktabda raqamli texnologiyalardan foydalanish barcha muammolarni hal
qila olmaydi, balki o‘qitishning ko‘p funktsionalli texnik vositasi bo‘lib qoladi.
O‘quv jarayonidagi zamonaviy pedagogik texnologiyalar va yangiliklar har bir
o‘quvchiga nafaqat ma'lum bir bilim zaxirasiga “sarmoya kiritish”, balki,
avvalambor, o‘quvchilarning bilim faoliyati namoyon bo‘lishiga sharoit yaratib
berishga imkon beradigan darjada muhim ahamiyatga ega.
Fizikaning optika bo‘limini o‘qitishda raqamli axborot texnologiyalaridan
foydalanish talim jarayonida quyidagi vazifalarni yanada muvaffaqiyatli hal
qilishga imkon beradi:
-jarayonlarni keng imkoniyatlardan foydalangan holda vizual taqdim etish
orqali o‘quvchilarning xayoliy tafakkurini rivojlantirish;
-axborotni qayta ishlash va taqdim etishning dinamik usullaridan
foydalangan holda o‘quvchilarda ijodiy fikrlashni rivojlantirish;
-simulyatsiya jarayonini muhokama qilishda yoki virtual laboratoriya
ishlarini bajarishda o‘quvchilar o‘rtasida ma’lumotlar almashinuvi orqali
hamkorlik va o‘zaro aloqa tarbiyasini amalga oshirish;
-o‘quvchilarining kompyuter texnologiyalariga bo‘lgan tabiiy istagiga
tayangan holda kognitiv qiziqishni rivojlantirish;
Fizika darslarida kompyuterlar, avvalambor, o‘quvchilarning eksperimental,
tadqiqot faoliyatini rivojlantirishga imkon beradi. Kompyuter modellari bunday
tadbirlarni tashkil qilish uchun ajoyib vosita. Kompyuter simulyatsiyasi kompyuter
ekranida fizik tajribalar yoki hodisalarning yorqin, esda qolarli dinamik tasvirini