Shuni qayd etish kerakki, zamonaviy biologik ta’limni tashkil etish va olib borishda mazkur prinsiplardan foydalanish samaradorlikni kafolatlaydi.
Shuni qayd etish kerakki, zamonaviy biologik ta’limni tashkil etish va olib borishda mazkur prinsiplardan foydalanish samaradorlikni kafolatlaydi.
Shuni qayd etish lozimki, o‘qitish qonunlari va qonuniyatlari uzluksiz ta’lim tizimining oldiga qo‘yilgan davlat va ijtimoiy buyurtmalar, jamiyatning ijtimoiy hayotidagi ma’naviy-ma’rifiy o‘zgarishlar, ta’lim-tarbiya jarayonining maqsadi va vazifalari, fanning rivojlanish darajasiga bevosita bog‘liq holda o‘zgarib, yangilanib turadi.
O‘qitish prinsiplari biologiyani o‘qitishning maqsadi va vazifalariga bog‘liq holda ta’lim-tarbiya jarayonining yo‘nalishi va pedagogik faoliyatning mazmunini belgilaydi.
O‘qitish prinsiplari biologiyani o‘qitishning maqsadi va vazifalariga bog‘liq holda ta’lim-tarbiya jarayonining yo‘nalishi va pedagogik faoliyatning mazmunini belgilaydi.
O‘qitish prinsipi - didaktik kategoriya bo‘lib, u ta’lim-tarbiya jarayonining maqsadi va vazifalariga bog‘liq holda o‘qitish qonunlari va qonuniyatlarining amaliyotga qo‘llanish usulini belgilaydi.
Biologiyaning mazmunini saralash va ta’lim tarbiya jarayonini tashkil etishda quyidagi prinsiplarga asoslaniladi.
Ilmiylik prinsipi – biologiyani o‘qitishda o‘quvchilarning ilmiy dunyoqarashini shakllantirishga asos bo‘ladigan va amaliy ahamiyati yoritilgan, nazariy va amaliy jihatdan fanda aniqlangan ilmiy bilimlar, faktlar, tushunchalar, qonunlar, nazariyalarni o‘rganishni kafolatlaydi.
Sistemalilik prinsipi – tirik organizmlarni biologik sistema sifatida turli tuzilish va murakkablik darajasida o‘rganish, shuningdek, o‘qitish jarayonining barcha tarkibiy qismlari: o‘qitish maqsadi, vazifalari, mazmuni, metodlari, vositalari va shakllarini tizim shaklida tasavvur qilish va foydalanishni ko‘zda tutadi.
Fundamentallik prinsipi – biologiyaning asosiy, tayanch tushunchalari, nazariyalari, ilmiy-tadqiqot metodlari, umumiy ilmiy-nazariy ahamiyatga ega bo‘lgan va umuminsoniy qadriyatlarning yutug‘i sanalgan tadqiqot natijalarini o‘rganishga asoslanadi.
Izchillik prinsipi – o‘quvchilar tomonidan tushunchalarni o‘zlashtirish bosqichlarini e’tiborga olgan holda o‘quv materialini o‘rganishni tashkil etishni taqozo etadi.
Ko‘rgazmalilik prinsipi – tirik organizmlarning tuzilishi va hayotiy jarayonlarini o‘rganishda tabiiy, tasviriy, tarqatma, didaktik va dinamik materiallar, ekran vositalaridan foydalanishni ko‘zda tutadi.
Ta’lim va tarbiyaning uzviyligi prinsipi – ta’lim jarayonining metodik ta’minoti va boshqarilishida ta’lim samaradorligiga erishish, o‘quvchilarni tarbiyalash va rivojlantirish muammolarini hal etishni ko‘zda tutadi.
