İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr Birinci cild

Ölkənin bəzi həssas texnologiyalarda uğuru

Bilməniz yaxşıdır ki, ölkəmizdə elmin çox həssas sahələrinin bəzisində hələ dünyada analoqu olmayan işlər görülmüşdür. Mən bir müddət öncə dedim ki, kök hüceyrələrin istehsalı texnologiyasında Tehranda sizin kimi bir qrup gənc fəaliyyət göstərir. Bunlar iradə ilə çalışdılar, gedib başqalarından öyrəndilər, özləri də fikirləşdilər, düşüncə baxımından sərmayə qoydular və nəticədə kök hüceyrələrin istehsalının, dondurulmasının, qorunmasının və əkilməsinin açarını əldə etdilər. Bu gün bunlar ilk dəfə olaraq İranda insulin düzəldən kök hüceyrələr istehsal etmişlər. Bu hələ dünyada istehsal olunmamışdır.⁵²²