İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr Birinci cild

Günün elmindən istifadə

Mən elmi istifadə - yəni Qərbin dünyaya təqdim və bu sahədə inkişaf etdiyi yeni elmdən istifadə üzərində dayanmaq istəyirəm. Günün elmindən mütləq istifadə etməliyik və bu bizə kömək edə bilər. Bu, bəşəriyyətə məxsus olan bir amildir. Bundan yararlanmalı, istifadə etməli və ilahi yardıma əmin olmalısınız.³⁵⁷

Üçüncü bölmə: İran və elm

Birinci fəsil: İranda möhtəşəm elmi keçmiş

İranda elmin və dinin yanaşı olması

Bizim ölkəmizdə min il elm və din bir-birinin yanında olub. Bizim tariximizin böyük alim, həkim, astronom və riyaziyyatçıları, adları və kəşfləri bu gün də dünyada məşhur olan dahi şəxslər ilahi alimlərdən, din sahiblərindən və dini mütəfəkkirlərdən olmuşlar. Tibb kitabı hələ də dünyada canlı elm kitabı sayılan, özü müxtəlif sahələrdə bəşər tarixinin parlaq siması hesab olunan, bu min ildə dünyanın bütün elm sahələrində tanınan və tanınmaqda olan, elm tarixinin bəzi nailiyyətlərinə imza atan İbn Sina həm də bir din alimi olmuşdur. Məhəmməd İbn Zəkərriyya Razi, Əbu Reyhan Biruni və digər alimlər - İslam dünyasının mütəfəkkirləri, kəşf və ixtira sahibləri də belə olmuşlar. Ölkəmizdə və İslam dünyasında vəziyyət belə idi.³⁵⁸