İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr Birinci cild

Elmi arzuların ümumi istəyə çevrilməsi

Burada sizin bəyan etdiyiniz məsələlərin hər biri - istər humanitar elmlərə, istər əxlaqi təlim-tərbiyəyə, istər elm və sənayenin əlaqəsinə, istər istedadlara və elmi nümunələrə imkan yaratmağa aid olanların hər biri mənim köhnə arzularımdandır. Uzun illər bunları demişik, istəmişik və bu gün görürəm ki, ümumi istəyə çevrilmişdir.⁵⁶⁴

Embarqoların ölkənin elmi hərəkətinə əks-təsiri

İslam Respublikasının öz qüdrəti, yaradıcılığı və daxili qüvvəsi ilə əldə etdiyi nailiyyətlər insanları məftun etmişdir. Müxtəlif elm, texnologiya və digər inkişaflar belədir. Onun bir nümunəsi nüvə enerjisi məsələsidir. Bunların hamısı embarqo və təzyiq dövründə əldə olunmuşdur. Yəni embarqolar nəinki təsir etmədi, hətta əks-təsir göstərdi, daxili qüvvələri düşünməyə və hərəkətə vadar etdi.⁵⁶⁵