İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr Birinci cild

İslamda təbii elmlərə dəvətin məqsədi

İslam istəyir ki, müsəlman xalq abadlığı, torpaqdan və torpağın məhsullarından istifadəni yüksək və maksimum həddə çatdırsın. Buna görə elmə, elmin inkişafına, təbiət aləmini kəşf etməyə dəvət edir. Çünki sözügedən bunsuz mümkün deyil.

Siz bilirsiniz ki, Avropada Sənaye inqilabından və renessansdan öncəyə qədər müsəlmanlar elmi baxımdan dünyada hamıdan öndə olmuşlar.⁸⁷
Əmirəlmöminin (ə): "Dini elmlə qoruyun!"

Əmirəlmöminin (ə) gənclərə müraciətlə bu iki cümləni buyurur: "Ey gənclər! Öz heysiyyətinizi ədəblə və dininizi elmlə qoruyun".⁸⁸ Özünüzün insani şərəfinizi və heysiyyətinizi ədəb-ərkanla, öz dininizi isə elmlə qoruyun. Çox əhəmiyyətli bir sözdür. Elm dini qoruyur. Bu, İslamın məntiqidir. Qoy İslamla düşmən olan boşboğazlar həmişə İslamın elmlə uyğun olmaması barədə danışmaqlarında olsunlar.⁸⁹