|
588. Uşaqlarda mədənin yuyulmasına əks göstəriş nədir?
A) Spirtlə zəhərlənmə
B) Qida zəhərlənməsi
C) Dərman zəhərlənməsi
D) Mədə qanaxması
E) Hidrogen peroksidlə zəhərlənmə
Müxtəlif mənşəli zəhərlənmələrdə, kəskin qastritdə - uşaqda tez-tez qusma , qaytarma olan hallarda ilk yardım mədənin yuyulmasıdır. Mədə qanaxması zamanı mədənin yuyulması əks göstərişdir.
Ədəbiyyat: A.A.Əyyubova “Uşaq xəstəlikləri” Bakı 2008 səh 91
589.Yenidoğulmuşun dərisinin ilkin təmizlənməsi necə aparılır?
A) 2%-li yodla
B) Steril bitki yağı ilə
C)5%-li kalium permanqanatla
D)70%-li spirtlə
E) Furasilinlə
Yenidoğulmuşun dərisi çox zərif və incə olduğu üçün tez zədələnə bilir. Ona görə yenidoğulmuşun dərisini steril bitki yağı ilə təmizləmək məsləhətdir.
Ədəbiyyat: N. Tağıyev “Neonatologiya” “Bakı”2007 səh 60
590 . Yenidoğulmuşlarda Apqar şkalası ilə nə qiymətləndirilir?
A) Reflekslər, tənəffüs fəaliyyəti
B) Dərinin rəngi , reflekslər
C) Ürək fəaliyyəti, tənəffüs fəaliyyəti, dərinin rəngi, reflekslər
D) Əzələ tonusu, ürək fəaliyyəti
E) Uşağın ümumi vəziyyəti
Uşaq doğularkən onun vəziyyətini qiymətləndirmək üçün Apqar şkalasından istifadə olunur. Bu zaman uşaqda ürəyin fəaliyyətinə, tənəffüsün tezliyinə, dərinin rənginə, əzələ tonusu və reflekslərə fikir verilir. Hər əlamətə 2 bal verilərək uşağın vəziyyəti qiymətləndirilir.
Ədəbiyyat: N. Tağıyev “Neonatologiya” Bakı”2007 səh 48
Dostları ilə paylaş: |
