Boshlang’ich sinf o’qish darslarida tez aytish va topishmoqlar ustida ishlash

ANDIJON DAVLAT PEDAGOGIKA INSTITUTI PEDAGOGIKA FAKULTETI BOSHLANG’ICH TA’LIM METODIKASI KAFEDRASI BOSHLANG’ICH TA’LIM (SIRTQI) YO’NALISHI 2-KURS 212-GURUH TALABASI ABDUKARIMOVA MARDONANING TAQDIMOTI

O‘qish darslarida badiiy Hikoya ustida ishlashda mustaqil ishlarni tashkil qilish

 

Reja:

1. Badiiy Hikoyani o’qishga tayyorgarlik

2. Hikoya bilan tanishtirish.

3. Badiiy Hikoya matni ustida ishlash.

4. O’qish darslarida mustaqil ishlar.

5. Xulosa.

Hikoyani o’qishga kirishishdan oldin o’quvchilarni badiiy Hikoyani o’qishga tayyorlash lozim bo’ladi. CHunki o’quvchilar Hikoya mazmunini to’g’ri idrok etishlari uchun hayot haqida ma’lum tasavvurga ega bo’lishlari zarur. Buning uchun tayyorgarlik ishlari o’tkaziladi.
Ma’lumki, sinfda o’qish asosida badiiy va ilmiy-ommabop matnlar turadi. O’quvchilarni matn bilan tanishtirish o’qishga tayyorgarlik bosqichidan boshlanadi.
Tayyorgarlik bosqichi yozuvchilar haqida ma’lumot berish, o’quvchilarni Hikoyada tasvirlanadigan voqea-hodisalarni idrok qilish, Hikoya pafosini his etish, notanish va ko’p ma’noli so’zlar, murakkabroq tarzdagi obrazli ifodalarni izohlash kabi masalalarni o’z ichiga oladi. Agar Hikoya yil fasllari haqida bo’lsa, tabiat qo’yniga sayohat uyushtirish ham sinfda o’qish muvaffaqiyatini ta’minlashga xizmat qiladi.
Matn bilan dastlabki tanishuvdan so’ng quyidagicha savollar bilan murojaat qilish darsda o’quvchilarning faolligini oshiradi:
1. Hikoyadagi qaysi epizodni qiziqarli deb o’ylaysiz?
2. Hikoya qahramonlaridan qaysi birining xatti-harakatini ma’qullaysiz? Qaysi birining fe’l-atvori, o’zini tutishi sizga yoqmadi?
3. Hayotda shunday kishilarni uchratganmisiz?
Tayyorgarlik ishlarining vazifalari quyidagilar:
1. O’quvchilarning Hikoyada aks ettirilgan voqea-hodisalar haqidagi tasavvurlarini boyitish, matnni ongli idrok qilishga ta’sir etadigan yangi ma’lumotlar berish, badiiy Hikoyada tasvirlangan dalillarni o’quvchilarning o’z hayotida kuzatganlari bilan bog’lay olishlariga sharoit yaratish.
2. Yozuvchining hayoti va ijodiga qiziqish uyg’otish. Masalan, 4-sinfda Zafar Diyorning hayoti va ijodi haqida quyidagicha ma’lumotlar berish mumkin: Zafar Diyor Namangan viloyatining CHust tumanida tug’ilgan. Ota-onasi dehqon bo’lgan. Ular kambag’allikda kun kechirishgan. Zafar Diyor to’rt yoshga to’lganda uning oilasi Toshkentga ko’chib keladi. Onasi bosmaxonada ishlaydi. SHoirning o’zi esa eski maktabda o’qiydi. Keyinchalik Toshkentdagi 7- bolalar uyida tarbiyalanadi. SHoirning birinchi she’rlar to’plami 21 yoshida bosilib chiqadi.
3. O’quvchilarni Hikoyani hissiy idrok etishga tayyorlash.
4. Hikoya mazmunini tushunishga xalal beradigan so’zlarning lug’aviy ma’nolarini tushuntirish. Masalan, 4-sinf “O’qish kitobi”dagi “Xarita” matni ustida ishlaganda so’z va iboralar lug’ati quyidagicha bo’lishi mumkin: