Bu kitab abş-da Təhsil Almış Məzunlar Asosiasiyasının dəstəyi ilə 2104-cü ildə nəşr olunmuşdur
Yüklə 2,39 Mb. Pdf görüntüsü
|
|
Səhmdar cəmiyyəti
Qanunvericiliyə əsasən SC – nizamnamə kapitalı müəyyən sayda səhmlərə bölünmüş kommersiya təşkilatıdır. 88 Sahibkarlıq fəaliyyətinin bu təşkilati- hüquqi formasının fərqləndirici xüsusiyyəti nizamnamə kapitalının emissiya qiymətli kağızlar – səhmlər hesabına formalaşmasıdır. SC-nin iştirakçıları – səhmdarlar – şirkətin öhdəliklərinə görə cavab vermirlər və yalnız onlara məxsus səhmlərin dəyəri hüdudlarında şirkətin fəaliyyəti ilə bağlı zərər riski daşıyırlar. Bu qiymətli kağızların kifayət qədər asan özgəninkiləşdirilmə və əldə edilməsi geniş insan dairəsinin kapitalının cəlb edilməsi üçün şərait yaradır. Bu, investorların kapitallarının bir neçə SC-nin səhmləri arasında paylanmasına və nəticədə zərər riskinin azalmasına imkan verir. Səhmdarın SC-nin tərkibindən ayrılması ona aid olan mülkiyyətin və ya onun pul ekvivalentinin verilməsi ilə yox, yalnız ona məxsus olan səhmlərin özgəninkiləşdirilməsi ilə mümkündür. İlkin formalaşmış kapitalın toxunulmazlığını qorumaq və onu iştirakçılar arasında bölmək riski olmadan artırmaq mümkünlüyü SC-ni MMC və ƏMC 89 ilə müqayisədə daha üstün struktur hesab etməyə imkan verir. SC-nin fərqləndirici xüsusiyyəti ondan ibarətdir ki, onun nizamnamə kapitalı səhmdarlar tərəfindən əldə olunmuş səhmlərin nominal dəyərindən ibarət olur və bir emissiya çərçivəsində buraxılan səhmlərin nominal dəyəri bərabər olmalıdır. 88 MM-nin 98.1. maddəsi 89 Məhdud məsuliyyətli cəmiyyət və Əlavə məsuliyyətli cəmiyyət 61 Səhmlərin sənəd formasında buraxılması ilə yanaşı, səhmlərin tədavül imkanlarının artırılması məqsədi ilə səhmlərin sənədsiz formada buraxılması da mümkündür. Sənədsiz qiymətli kağızla təsdiqlənmiş hüquqların həyata keçirilməsi və ötürülməsi üçün müvafiq qeydlərin xüsusi reyestrdə öz əksini tapması yetərlidir. Bununla yanaşı, sənədsiz səhmin hüquqi təbiəti müzakirə mövzusudur. Bu məsələ vacib praktiki əhəmiyyətə malikdir, çünki sənədsiz səhmin sahibinin hüquqlarının qorunması üsulu bundan asılıdır. Yüklə 2,39 Mb. Dostları ilə paylaş:
|