Shuningdek, farmon bilan tasdiqlangan 398 banddan iborat Davlat dasturida nazarda tutilgan tadbirlarni amalga oshirish uchun 55 trillion so‘m va 11,7 milliard dollar sarflanishi nazarda tutilgan
Shuningdek, farmon bilan tasdiqlangan 398 banddan iborat Davlat dasturida nazarda tutilgan tadbirlarni amalga oshirish uchun 55 trillion so‘m va 11,7 milliard dollar sarflanishi nazarda tutilgan.
Dasturda, aytib o‘tganimizdek, adolatli ijtimoiy siyosat yuritish, inson kapitalini rivojlantirish yo‘nalishida ta’lim sifatini oshirish masalasiga ustuvorlik berilgan. Chunki har qanday jamiyat kelajagini, avvalo, ta’lim sifati va ta’lim oluvchi qobiliyati belgilab beradi.
Qayd etish joiz, 2017–2021 yillardagi Harakatlar strategiyasi dasturi doirasida maktabgacha qamrov darajasi sezilarli ravishda ortdi. Xususan, 2016 yil ayni ko‘rsatkich 27 foizni tashkil qilgan. Taraqqiyot strategiyasida esa maktabgacha ta’lim qamrov darajasini hozirgi 67 foizdan qariyb 80 foizga yetkazish belgilangan. Bu maqsad uchun maktabgacha ta’lim tizimiga xususiy sektor mablag‘larini jalb qilish orqali yangi nodavlat maktabgacha ta’lim tashkilotlari tashkil etish vazifasi belgilab qo‘yilgan. Buning samarasi o‘laroq, birgina 2022 yilning o‘zida davlat-xususiy sheriklik asosida 1300 ta nodavlat hamda oilaviy maktabgacha ta’lim tashkiloti tashkil etiladi. Shuningdek, maktabgacha ta’lim tizimida byudjet mablag‘lari maqsadli va samarali sarflanishi ta’minlanadi. Bu O‘zbekiston o‘z farzandlarini ilmga oshno tutinishi yo‘lida qilayotgan sa’y-harakatlarning bir yo‘nalishi, ya’ni yaratilayotgan sharoitlarning bir qismi, xolos.
Xulosa o’rnida shuni aytish mumkinki: Darhaqiqat, so‘nggi yillarda belni mahkam bog‘lab, xalqni rozi qilish yo‘lida qilinayotgan samarali mehnatlar o‘z natijasini bermoqda.
Xulosa o’rnida shuni aytish mumkinki: Darhaqiqat, so‘nggi yillarda belni mahkam bog‘lab, xalqni rozi qilish yo‘lida qilinayotgan samarali mehnatlar o‘z natijasini bermoqda.
Bu joriy yil Vatanimiz mustaqilligining 31 yilligini ulkan marralar va zafarlar og‘ushida qarshi olayotganimizda ham namoyon bo‘lmoqda.
Zero, bugun yagona xalq, yagona millat bo‘lib, ko‘zlagan maqsadlarimiz sari dadil odimlayotgan xalqni hech kim o‘z yo‘lidan to‘xtata olmaydi.
O‘zbekiston har tomonlama obod va farovon mamlakatga aylanadi.
