Buxoro davlat universiteti tabiiy fanlar fakulteti tuproqshunoslik va geografiya kafedrasi
Yüklə 0,92 Mb. Pdf görüntüsü
|
|
Kirish Mavzuning dolzarbligi. Respublikamiz mustaqillikka erishgandan keyin qishloq xo’jaligi ishlab chiqarishida koordinal o’zgarishlar ro’y berdi, qishloq xo’jaligini rivojlantirishda qaratilgan bir qator qonunlar, Respublikamiz Prezidentining va Vazirlar Mahkamasining farmonlari va qarorlari qabul qilindi. Ushbu hujjatlarning asosiy maqsadi yerga bo’lgan munosabatini tubdan o’zgartirish, tuproq, suv va yer resurslari doimiy muhofaza qilish bilan bir qatorda ulardan samarali va oqilona foydalanishni tashkil etishdir. Prezidentimiz Shavkat Mirziyoyevning 2018-2019- yillarda irrigatsiyani rivojlantirish va sug'oriladigan yerlarning meliorativ holatini yaxshilash Davlat dasturi to'g'risidagi qarori qabul qilindi
Qarorda ta`kidlanishicha, yurtimizda 4487 kilometr irrigatsiya tizimi kanallarini, 5250 kilometr sug'orish tarmog'ini, 3636 ta gidrotexnika inshootini, 495 ta nasos stansiyalari (agregatlari)ni va 1500 ta tik sug'orish quduqlarini, shuningdek, 7500 kilometr kollektor-drenaj shaxobchalarini, 13 ta meliorativ nasos stansiyalari hamda 185 ta tik drenaj quduqlarini rekonstruksiya qilish va qurish talab etiladi. Yuqoridagilar inobatga olingan holda irrigatsiya-melioratsiya obyektlarini qurish va rekonstruksiya qilish, ta`mirlash va qayta tiklashning kompleks chora-tadbirlari dasturi hamda prognoz parametrlari tasdiqlandi. Shuningdek, birgina tomchilatib sug'orish tizimi hamda suvni tejaydigan boshqa sug'orish texnologiyalarini joriy etish hisobiga 2018-yilda 46 mln., 2019-yida 60 million, jami 106 million kub metr suv iqtisod qilinadi. O’zbekiston Respublikasi Oliy Majlisi palatalarining qarorlari, O’zbekiston Respublikasi Prezidentining Farmonlari, qarorlari, Vazirlar Mahkamasining farmoyishlari, qarorlari, vazirliklar, davlat qo’mitalari va idoralari, mahalliy davlat hokimiyati organlarining qarorlari respublikamizda Yer resurslaridan oqilona foydalanish, ularni muhofaza qilish, yer munosabatlarini tartibga solish, yer tuzish va yerlar monitoringini tashkil qilish, tuproq unumdorligini oshirishga yo’naltirilgan qonunchilik sohasidagi tajribalardan kelib chiqadigan, ijtimoiy munosabatlarni
4
tartibga soluvchi iqtisodiy siyosatining uyg’unlashtiruvchi asosiy muhim hujjatlar bo’lib qolmoqda. Respublikaning yuqori darajadagi faolligini ta’minlovchi, shart- sharoitlarini yaratish imkonini beruvchi, mamlakatni isloh qilishning prinsipial maqsadli vazifalarini belgilaydigan tamoyillar: tabiiy resurslar, jumladan yer resurslarini boshqarish sohasidagi jiddiy muammolarning ilk sababchisi bo’lib, yagona davlat siyosatini amalga oshirilishini ta’minlashga qaratilmoqda. “Yergeodezkadastr” davlat qo’mitasi tizimida O’zbekiston Respublikasi Vazirlar Mahkamasining 2000 yil 23 dekabrdagi “O’zbekiston Respublikasida yer monitoringi Nizomini tasdiqlash to’g’risida”gi 496-sonli qarori asosida respublika qishloq xo’jalik yerlari tuproqlari monitoringi tadqiqotlari muntazam ravishda amalga oshirilmoqda. Monitoring ishlarini bajarish davomida tuproqlarning holati bo’yicha tizimli kuzatuvlar tashkil etildi. Natijada qishloq xo’jalik yerlari tuproqlarining holati hamda ularda kechayotgan jarayonlar yo’nalishi va jadalligi aniqlanib, salbiy jarayonlarning oldini olish, oqibatlarini bartaraf qilish bo’yicha tegishli tavsiya va chora-tadbirlar belgilanib, o’tkazilgan ishlarni yakuni bo’yicha ma’lumotlar ishlab chiqarishda foydalanishlari uchun mahalliy hokimiyat organlariga taqdim etilmoqda. O’zbekiston Respublikasi vodiy va vohalarda shu jumladan Buxoro vohasida tarqalgan qadimdan sug’oriladigan tuproqlarning meliorativ va agroekologik holatini sho’r tuproqlar meleoratsiyasi ishlari natijasida yaxshilash eng dolzarb muammolardan biri hisoblanadi.
Yüklə 0,92 Mb. Dostları ilə paylaş:
|