15
II bob. Buxoro vohasining tuproq-iqlim sharoitlari.
2.1 Buxoro vohasi tuproqlari to’g’risida.
Voha tuproqlari — sugʻorma dehqonchilik mintaqalaridagi tuproqlar. Keng daryo
vodiylari, togʻlararo soyliklar va togʻ etaklarining nishab tekisliklaridagi vohalarda
tarqalgan. Oʻrta Osiyo voha tuproqlari qadimdan dehqonchilik qilib kelinayotgan
hududlardagi tuproqlarning asosiy qismini tashkil etadi. Sugʻorma dehqonchilik
taʼsirida voha tuproqlari mutlaqo yangi belgilarga ega boʻlib boradi. Sugʻoriladigan
yerlarga beriladigan suv bilan birga oziq moddalarga boy oqiziqlar keladi. Amudaryo
suvlaridagi oʻrtacha yillik oqiziqlar miqdori Termiz shahri yonida 206 mln. t, Nukus
sh. yonida esa 104 mln. t ni tashkil etadi. Oqiziqlarning asosiy qismi kanallarda
choʻkib qoladi, shuning uchun sugʻorish shoxobchalarini tez-tez tozalab turish
zarurati tugʻiladi. Zarafshon daryosi havzasidagi dalalarga sugʻorish suvi bilan birga
har yili gektariga 10,8 — 17,8 t gacha oqiziq jinslar, jumladan, oʻrtacha 2350 kg/ga
CaCO
3
485 kg/ga K
2
O va 0,41 kg/gacha N
2
O
5
oqib keladi. Sugʻoriladigan yerlarga
kelib tushadigan agroirrigatsion yotqiziqlar miqdori yiliga 0,8—1,3 mm ga ortadi.
Samarqand, Buxoro, Murgʻob va Xorazm singari vohalardagi bunday yotqiziqlar
qalinligi 1—2 m va undan ortiq. Morfologik tuzilishi, agrokimyoviy, agrofizik,
biologik xususiyatlari va meliorativ holatiga koʻra Oʻrta Osiyoning sugʻorma
dehqonchilik mintaqalaridagi Voha tuproqlari turli tiplarga, yaʼni choʻl mintaqasining
oʻtloqi-voha, botqoqivoha va taqirli-voha tuproqlariga, sur tuproqlari mintaqasining
oʻtloqivoha, botqoqi-voha va sur tuproqli-voha tuproqlari tipiga mansub.
Agroirrigatsion yotqiziqlar qalinligiga koʻra: yupqa (35— 50 sm), o ʻrtacha (70—80
sm) va juda qalin (1 m dan koʻp) boʻlgan tuproqlarga ajratiladi. Voha tuproqlarining
paydo boʻlish jarayoni oʻziga xos zonal belgilarga ega. Bu jarayonni ikki asosiy
bosqichga boʻlish mumkin. Birinchi bosqichda voha tuproqlarining tabiiy belgilari
(qoʻriqlik) saqlanib qoladi. Masalan, haydash va sugʻorish taʼsirida tusi, qalinligi,
strukturasi, chimli va chim osti qatlamlarining joylanishi turlicha boʻlgan sur
16
tuproqlardan zichligi, mexanik tarkibi deyarli bir xil kulrangroq haydalma va yanada
zichroq haydov osti qatlamlar shakllanadi.
Buxoro vohasida asosan sug’oriladigan o’tloqi-allyuvial tuproqlar tarqalgan.
O’zlashtirilganlik darajasiga qarab qadimdan sug’oriladigan, yangidan sug’oriladigan
va yangidan o’zlashtirganga bo’linadi. Mexanik tarkibi qadimdan sug’oriladigan
o’tloqi-allyuvial tuproqlarda yuza haydalma qatlamida (0-30) asosan o’rta qumoqli va
yengil qumoqli, 30-60sm chuqurlikda o’rta va yengil 60-100sm da esa yengil o’rta va
og’ir qumoqdan iborat.
Dostları ilə paylaş: