45
3.3 Tuproqlardagi tuzlarning, tuproq xossalari va o’simlik hosildorligiga
tasiri.
Tuzlarning o’simliklarga ko’rsatadigan ta’siri ko’pgina tadqiqotchilar tomonidan
o’rganilgan. Tadqiqotlar natijalari tuzlarning o’simliklarga ko’rsatadigan salbiy
ta’siri sulfat-xloridli tipdagi sho’rlangan tuproqlarda xlorid-sulfatli sho’rlanishga
qaraganda birmuncha ko’proq ekanligini ko’rsatadi. Xloridli sho’rlanishda esa
sulfatli sho’rlanishga nisbatan juda yuqoriligi isbotlangan. Tuzlarning
o’simliklarga ko’rsatadigan ta’siri o’ta xilma-xil. U o’simliklardagi qator
biokimyoviy va fiziologik funksiyalari, ularning suv va oziqlanish rejimlari va
ildiz sistemalari holatini buzilishiga olib keladi. Tuzlar ta’sirida fotosintez
jarayonlari jadalligi, o’simliklarning nafas olishi pasayadi, modda
almashinishi
susayadi,
organik
moddalarning
to’planishi kamayadi,
transpiratsiya orqali suvlarning sarflanishi pasayadi. Tuzlarning o’simliklarga
zararli ta’siri urug’ chigit unib chiqish fazasidan ko’rina boshlaydi. Tuproq
sho’rlanganligi yuqori darajada bo’lganda urug’larni unib chiqishi ancha davrga
kechikadi.Urug’ yaxshi o’sishi zarur bo’lgan namlikni o’zlashtira olmaydi.
Shu bois urug’larning unib chiqish energiyasi kamayadi yoki urug’ butunlay
unib o’smaydi. Natijada ekinlarning yakka-dukka o’sib chiqishi kuzatiladi,
o’simliklarning gektar xisobidagi soni kamayadi, tuproq yuzasida sho’r dog’lar
paydo bo’ladi, o’simliklarning nobud bo’lishi kuzatiladi. Tuproq sho’rlanishi
qishloq
xo’jalik ekinlarining ildizlariga salbiy ta’sir ko’rsatadi.Tuz
zaxiralarining katta miqdori ildizlarning pastki qatlamlarga o’tishini
kechiktiradi. Tuzlardan o’simlik ildizlariga eng zararli ta’sir etuvchi normal
soda (Ma
2
SO4) xisoblanadi.U ildizlarni kesib, ularni qoraytirib, nobud bo’ladi.
Sho’rlangan tuproqlar o’simliklarga ayniqsa vegetatsiya davrida katta ta’sir
ko’rsatadi. Sho’rlanmagan tuproqlarda o’simliklar tarkibida uglevodlarning
umumiy miqdori va azotli moddalar ancha ortadi, shunga qaramasdan kraxmal
kamayadi. Bu esa ildizdan oziqlanishning buzilishi oqibatidir. Sho’rlangan
tuproqlarda o’simliklar tomonidan suvni o’zlashtirishi sekinlashadi va
transpiratsiyaga sarf qiladigan suvning miqdori kamayadi. Tuproqdan
46
o’simliklarga suv ozuqa moddalari bilan ularning ildiz va barglarining so’rish
kuchi ta’siri ostida so’riladi. So’rish kuchi o’simliklarning xujayra shirasi so’-
rish bosimi tufayli sodir bo’lib, u o’simliklarda bir xil emas. Masalan, bir qator
sabzavot va poliz ekinlari uchun, jumladan bodringlarda so’rish kuchi bor-yo’g’i
2-5 atm., sho’rlanmagan tuproqlardagi g’o’zada 10-15 atm., sho’rlangan
tuproqlardagi 15-25 atm. Tuproqlarda yana suv ushlab turuvchi kuchlar mavjud
bo’lib, bu kuchlar katta oraliqda o’zgarib turadi. U tuproqda qancha tuz ko’p
bo’lib, nam kam bo’lsa, shuncha katta bo’ladi. Sho’rlanmagan tuproqlarda
namlik 9,4% bo’lsa, bu kuch 20 atm. ni va kuchsiz sho’rlangan tuproqlarda 35atm.
ni va kuchli sho’rlangan tuproqlarda 143 atm. ni tashkil etadi. Tuproqning suv
ushlab turuvchi kuchi va o’simliklarning surish kuchi ko’rsatkichlari nisbati
o’simliklarni suv bilan ta’minlanishini aniqlaydi. Agar tuzli eritma
konsentratsiyasi va tuproq eritmasining so’rish bosimi yuqori bo’lsa, o’simliklar
suvni o’zlashtira olmaydi yoki juda oz miqdorda o’zlashtiradi. Bunday xollarda
tuproqda namlikning bo’lishiga qaramay tuproqda o’simliklarni nobud
bo’lishiga (nimjon o’sishiga), ularning o’sish va rivojlanishini susaytiruvchi
"fiziologik
quruqlik"
sodir
bo’ladi. Sho’rlangan tuproqlarda mineral
oziqlanishning buzilishi sodir bo’ladi. Bu holat o’simliklarning qator muxim oziqa
elementlarining yetarli darajada o’zlashtiraolmasliklari (kalsiy, fosfor, marganes,
temir) va aksincha zararli elementlarning (xlor, natriy, magniy) ko’plab
o’zlashtirilishi bilan ifodalanadi. Kuchli sho’rlangan tuproqlardagi o’simliklarda
xlor miqdori me’yoridan 3-4 marta, natriy 5-10 marta ortib ketishi mumkin.
O’simliklarda tuzlarning katta miqdorda to’planishi, ularni tuzlar bilan
zaxarlanishiga olib keladi.