C# Obyekt va Sinflar xulosa

Avvaldan mavjud ichki tiplar

C# tili CLS(Common Language Specification) ga mos keladigan keng tiplar to`plamini taqdim etadi. Bu tiplar NET platformasiga mos keladi yani C# da hosil qilingan obyektlar NET CLS qo`llab quvvatlaydigan har qanday dasturlash tilida foydalanish mumkin (masalan VB.NET). Har bir tip aniq o`zining o`zgarmas o`lchamiga ega. Quyida C# tomonidan taqdim etilgan tiplar ro`yhati jadvalda keltirilgan:

Yuqoridagiga qo`shimcha tarzda C# da yana enum, struct tipidagi obyektlar ham bor.

4. C# Obyekt va Sinflar

C# tili to'liq obyektga yo'naltirilgan til hisoblanadi. Bu shuni anglatadiki, C# da dasturni o'zaro bog'langan va o'zaro ta'sir etuvchi obyektlar sifatida ifodalash mumkin.
Obyektning tavsifi - bu sinf obyekt esa sinfning namunasini ifodalaydi. Quyidagi o'xshashlikni ham keltirish mumkin. Hammamizda o’z ismiga, yoshiga va boshqa xususiyatlarga ega bo'lgan odam haqida ba'zi tasavvurlar mavjud. Ya'ni, ba'zi bir shablon - bu shablonni sinf deb atash mumkin. Amalda ushbu shablon boshqacha bo'lishi mumkin, masalan, ba'zi odamlar bir xil ismga ega, boshqalari boshqa ismga ega. Va haqiqiy shaxs (aslida ushbu sinfning namunasi) ushbu sinfning obyektini ifodalaydi.
Kelishuv bo’yicha konsol dastur loyihasi bitta sinfga ega – bu Program sinfi unda dastur bajarilishi boshlanadi.
Aslida, sinf foydalanuvchi tomonidan aniqlanadigan yangi turni ifodalaydi. Sinf class kalit so'zi yordamida aniqlanadi:
Sinf uchun uning bazaviy sinflarini (ajdodlari) va sinfning turli xil xususiyat (atribut) larini belgilaydigan bir qator shart bo’lmagan atributlar va xususiyatlarni belgilash mumkin:
[atributlar ] [spetsifikatorlar ] class sinf_nomi :[ ajdodlari ]
{sinf_tanasi}

Sinf qayerda aniqlanadi ?

Sinf nomlar fazosi ichida, nomlar fazosi tashqarisida, boshqa sinf ichida aniqlanishi mumkin.
Odatda, sinflar alohida fayllarga joylashtiriladi. Ammo biz yangi sinfni Program sinfi joylashgan faylga joylashtiramiz. Ya'ni, Program.cs fayli quyidagicha ko'rinishga ega bo’ladi:

Sinfning barcha funktsional imkoniyatlari uning a'zolari - maydonlar (sinf o'zgaruvchilari uning maydonlari deyiladi), xususiyatlari, metodlari, hodisalari bilan ifodalanadi. Masalan, Bino sinfidagi maydonlarni va metodni aniqlaylik: